په کابل پوهنتون کې په شرعي علومو کې د څیړنې او علمي مقالې لیکنې اصول سمینار پیل شو
د کابل پوهنتون علمي څیړنو معانیت لخوا (( په شرعي علومو کې د څیړنې او علمي مقالې لیکنې اصول )) تر عنوان لاندې دری ورځنی سمینار پیل شو.
نوموړی سمینار د شرعیاتو پوهنځي استاد ښاغلي دکتور اصحاب الله اواب لخوا وړاندې کیږي، چې د زمري میاشتې له ۳۰ نېټې څخه د وږي تر لومړۍ ڼېټې پورې به دوام وکړي.
په یاد سمینار کې د کابل پوهنتون شرعیاتو پوهنخي، پولی تخنیک، طبي علومو، کابل ښوونې او روزنې او همدارنګه د عبدالله بن مسعود تخصصاتو جامعې استادان به پکې برخه واخلي.
په دې سیمنار کې ګډونوال په ګروپونو ویشل شوي چې په شرعي علومو کې د علمي مقال لیکلو او څیړنې په اړه له نظریاتو سره به په دې برخه کې عملي کارونه هم ترسره کړي او ددې سمینار د اغیزمنتیا او عملي چارو ترسره کولو په موخه به دکابل پوهنتون مرکزي کتابتون او د شرعیاتو پوهنخي کتابتون ته هم مراجعه وکړي.
د شرعیاتو پوهنځي رئیس ښاغلي شیخ الوالمعید ابوالجراد او د څیړنومعاونیت سرپرست ښاغلي پوهندوی محمدولي سالاري د استادانو لپاره په علمي څیړنو په ترسره کولود ظرفیت په لوړولو لپاره غوره یاد کړ.
د کابل پوهنتون رئیس ښاغلي دکتور اسامه عزیز د یاد سمینار د جوړولو له امله له ښاغلي استاد اواب او علمي څیړنو معاوینت له سرپرست څخه مننه وکړه او ډاډ یې ورکړ که چیرې استادان په منظمه او دوامداره توګه برخه واخلي په شرعي علومو کې د علمي څیړنو په برخه کې مهم او ګټور موضوعات زده کړي.
له هغه وروسته ښاغلي دکتور اصحاب الله اواب د یاد دری ورځني سمینار اجندا په لنډه توګه واضح کړه او خپل پرزینتشن یې پیل کړ.
