د فارمسي پوهنځي د تدریسي درملتون د جوړولو چارې پیل شوې
د کابل پوهنتون د فارمسي پوهنځي د تدریسي درملتون د جوړولو چارې د یو لړ رسمي مراسمو په ترڅ کې پیل شوې.
دغه تدریسي درملتون د ۱۴۰ متره مربع ځمکې پر مساحت، په دوو پوړونو کې جوړېږي او د روغتیا نړیوال سازمان له معیارونو سره سم به لازمې اسانتیاوې ولري.
یاد درملتون به د فارمسي پوهنځي محصلانو ته د عملي زدهکړو زمینه برابره کړي او ناروغانو ته به هم معیاري درملیز خدمتونه وړاندې کړي.
تمه ده چې دغه تدریسي درملتون به په افغانستان کې د فارمسي زدهکړو او معیاري درملیزو خدمتونو د پیاوړتیا په برخه کې مهم رول ولوبوي.
