وضاحت!
د ځينو مغرضو کړيو لخوا دا خبر لاس په لاس کيږي چې ګواکې د کابل پوهنتون له ليليې څخه د قومي تبعيض پر اساس ځيني محصلين اخراج شوي. دا هيڅ حقيقت نه لري.
حقيقت دا دی چې څو تنه اخراج شوي محصلين، چې له يو مشخص قوم سره تعلق نه لري، د پوهنتون د لوائحو او مقرراتو څخه د سرغړونې له امله د اصولو سره سم او د ځانګړې کمېټې د پرېکړې په نتيجه کې اخراج شوې دي.
دا اصول پرته له کوم تبعيض څخه پر ټولو محصلينو په مساوي ډول تطبيق کيږي.
د کابل پوهنتون د سيمي او هيواد په کچه ستر تاريخي اکاډميک بنسټ دی، چې شاوخوا ۲۴زره محصلين په کې په تحصيل بوخت دي، له دوی څخه درې زره محصلين په ليليه کې ميشت دي. دا پوهنتون د هيواد د ټولو اقوامو مشترک اکاډميک کور دی. هر پوهنځۍ، هر ټولګۍ او د ليليې هره خونه يې د ملي وحدت يوه ژوندۍ بيلګه ده، چې هيڅوک ترې انکار نشي کولی.
