چاپیریال ساتنې نړیوالې ورځې په مناسبت علمي بحث ترسره شو
د کابل پوهنتون د علمي څېړنو د معاونیت او ځمکپوهنې پوهنځي په ګډې همکارۍ سره، د چاپیریال ساتنې نړیوالې ورځې په مناسبت علمي بحث ترسره شو.
د علمي څېړنو مرستيال دوکتور حامد سالاري په خپلو خبرو کې د اقلیمي بدلون په تړاو وویل چې وروستیو بدلونونو د هېواد کرنیزې برخې ته خورا زیان اړولی، نوموړی زياته کړه، چې کابل پوهنتون به په دې برخه کې خپلو علمي څېړنو ته دوام ورکوي ترڅو مسلکي حللارې ومومي.
همدارنګه په افغانستان کې د (رها) موسسې استازي په خپلو څرګندونو کې وویل، چې د اقلیمي بدلون په پایله کې د تخریب شویو سیمو او وروستیوو زیانونو په تړاو په افغانستان کې کار کوو، او هدف مو عامه پوهاوی دی.
تر ويناوو وروسته د موضوع په تړاو هر اړخیز علمي بحث وشو او ګډونوالو په دې برخه کې د ظرفیتونو پر لوړولو، د علمي څېړنو پر دوام او پياوړتيا ټینګار وکړ.
