په کابل پوهنتون کې د ( زه او چینایي ژبه) تر عنوان لاندې د وینا سیالي ترسره شوه.
د روان کال تلې میاشتې په ۵مه نېټه د چهار شنبې په ورځ د بهرنیو ژبو او ادبیاتو پوهنځي چینایي څانګې کنفوسیوس انستیتوت نړیوالې ورځې نمانځنې په مناسبت په کابل پوهنتون کې د ( زه او چینایي ژبه ) تر عنوان لاندې د وینا سیالي ترسره شوه.
لومړی غونډه د قرانکریم په مبارکو آیتونو پیل شوه، وروسته ښاغلي استاد پوهنیار حمید غلامي د برنامې د پيژندنې، د چینایي ژبې په زده کړه کې د نوموړې سیالۍ د اغېز په هکله خبروې وکړې.
وروسته د کابل پوهنتون محصلانو چار مرستیال ښاغلي صلاح الدین ایوبي د ژبې د زدکړې پر اهمیت خبرې وکړې او محصلینو یې دې برخې ته وهڅول.
همدارنګه کابل پوهنتون بهرنیو ژبو او ادبیاتو پوهنځي رئیس ښاغلي پوهنوال دکتور ګل محمد باسل د محصلینو د هڅونې ترڅنګ یې له محصلینو و غوښتل؛ ترڅو چې د چینایي ژبې په زده کړه کې هڅې وکړي.
د سیالۍ په لومړي پړاو کې نوموړې سیالي په پنځو مرکزونو کې د چینایي ژبې څانګې ترڅنګ، د ننګرهار پوهنتون بهرنیو ژبو زده کړو برخې، د معرفت خصوصی ښوونځي د بهرنیو ژبو زده کړو برخې، د کابل ښوونیزو مرکزونو ـــ پکن او شرق کې ترسره شوه، چې له یادو مرکزونو څخه ۱۷ تنه ممتازو محصلینو او شاګردانو وروستي پړاو ته لاره و موندله.
ددې غونډې په پای کې د ۱۷ تنه غوره مقام ګټونکي محصلین په جایزو او تقدیرنامو وستایل شول.
