د کرنې پوهنځی محصلینو نورستان ولایت ته علمي او څیړنیز سفر ترسره کړ
د کابل پوهنتون کرنې پوهنځي طبعي سرچینو او ځنګلونو څانګو محصلین د ځنګلاتو څانګې اړوند زیاتومسلکي موضوعاتو او مطالبو د زده کولو په موخه له خپلو استادانو سره نورستان ولایت ته سفر وکړ او دهغه ولایت لوړو سطحوله ځنګلاتو څخه لیدنه وکړه.
نوموړی علمي سفر چې د روان کال وږي میاشتې له ۲۲ څخه تر ۲۶ نېټې پورې دوام وکړ، محصلینو وکولای شول، چې د نوروستان ولایت بیلابیلو طبیعي ځنګلونو او لوړو ساحو څخه لیدنه وکړي او د لاندې برخو سره یې علمي بلدتیا ترلاسه کړه:
۱ـ د نورستان ولایت دبیلا بیلو طبیعي ځنګلونو او بوټو ډولونو پیژندنه.
۲ــ د چاپیریال ساتنې اغیزمن فکتورونه لکه: د بحر له سطحې لوړوالی، د باران کچه او دځنګلاتو پر ودې د هغه اغېز.
۳ــ د ځنګلاتو پر ایکوسیستم باندې د چاپیریال مستقم او غیر مستقیم اغیز پیژندل.
۴ــ محصلینو ته وښودل شوه؛ چې ځنګل یو ایکو سیستم د بدلون ( ډینامیک) په حال کې دی؛ چې د وخت په تیرېدو د بدلون په حال کې دی.
۵ــ په بیلابیلو لوړ برخو کې د ځنګلاتو ودې سره بلدتیا، او په دې پوهېدل؛ چې ځنګلونه څنګه په بیلابیلو لوړو برخو کې وده کوي.
۶ــ په بیلابیلو لوړو برخو کې د ځنګل سروې او اندازه اخیستل او پر دې پوهېدل؛ چې ددې رشتې محصلین څنګه کولای شي؛ د سروې او اندازې اخیستلو په موخه یوه ساحه و ټاکي.
د یادونې ده چې د محصلینو نوموړی علمي سفر د کابل پوهنتون رهبرۍ او کرني پوهنځي ریاست په مرسته ترسره شوی دی.
