د لوړو زده کړو وزیر محصلينو ته د شريعت پر مقاصدو وينا وکړه
د کابل پوهنتون او د مرکزي زون د امارتي او خصوصي پوهنتونونو شاوخوا زر تنو محصلینو ته د اصلاحي سيمينار په لړ کې، د ا.ا.ا د لوړو زده کړو محترم وزير شیخ الحدیث مولوي نداء محمد ندیم وينا وکړه.
نوموړي د شریعت پر پنځه ګونو مقاصدو او د شرعي امیر د اطاعت پر اهميت او ضرورت په اړه مفصل بيان وکړ.
سربيره پر دې، له محصلينو يې وغوښتل چې د خپل درسي نصاب ترڅنګ په ديني، اصلاحي، ظرفیت لوړونې او نورو علمي پروګرامونو کې فعاله ونډه واخلي.
نوموړي همداراز محصلینو ته پر شر.یعت د برابرېدو او درسونو کې د کوشش کولو توصيه وکړه او هغوی ته يې ډاډ ورکړ چې ستاسو ټولو د علمي پياوړتيا ټولو برخو ته به پوره رسیده ګي کیږي.
د يادونې ده چې دا سيمينار په کابل پوهنتون کې د يوې اونۍ لپاره جريان لري او شاوخوا زر تنه محصلين په کې ګډنوال دي.
