د علمي همکارۍ هوکړه لیک لاسلیک شو
د کابل پوهنتون فارمسي پوهنځي او کندهار پوهنتون فارمسي پوهنځي ترمنځ د علمي همکارۍ په موخه هوکړه لیک لاسلیک شو.
د یاد هوکړه لیک له مخې به د کابل پوهنتون فارمسي پوهنځی د کندهار پوهنتون د فارمسي پوهنځي د استادانو او محصلينو د ظرفیت لوړونې، د تدریسي موادو چمتو کولو، لابراتواري او عملي فعالیتونو او ورته نورو برخو کې همکاري کوي.
یاده دې وي چې د کابل پوهنتون فارمسي پوهنځي تر دې وړاندې هم له ګڼو پوهنتونونو او درمل جوړونې شرکتونو او د روغتیا په برخه کې له فعالو ادارو سره هوکړه لیکونه لاسلیک کړي، چې د تطبیق په حال کې دي.
