اداري شورا
د کابل پوهنتون اداري شورا د پوهنتون د مالي او اداري چارو د مرستیال په مشرۍ رامنځته شوې ده، چې د پوهنتون د سرچینو د ښې کارونې او مدیریت، علمي چارو ته د لارسازۍ او د پوهنتون د شتمنو د ساتنې او ژغورنې په اړه د پرېکړو مرجع ده. د اداري شورا پرېکړې د پوهنتون د رییس تر تایید وروسته د تطبیق وړ دی.
د اداري شورا غړي دا دي؛
- د مالي او اداري چارو مرستیال د شورا رییس؛
- د محاسبې امر غړی؛
- د خدماتو امر غړی؛
- د خپرونو امر غړی؛
- د مرکزي کتابتون امر غړی؛
- د ساتنې او ژغورنې(حفظ و مراقبت) امر غړی؛
- د لیلیو امر غړی؛
- د زېرمتونونو(ډيپوګانو) عمومي امر غړی؛
- د پوهنتون د اداري واحدونو عمومي مدیران چې د پوهنتون د معاونیتونو په تشکیل کې کار کوي؛ غړي.
د کابل پوهنتون د اداري شوار دندې: د پوهنتون د مالي او حسابي ستونزو حل، پوهنتون د پاکۍ، سمسورتیا او ارام علمي چاپېریال د رامنځته کېډا په موخه پرېکنده او جدي تصمیم، د پوهنتون د امنیت په اړه مشوره او تصمیم، د پوهنتون د لګښتي بودجې د تدوین تصمیم، د پوهنتون د اداري چارو د ښه والي په موخه د پلانونو طرح او تطبیق او نورې هغه دندې چې د اړتیا پر مهال ورسپارل کېږي.