د کابل پوهنتون غوره او ممتاز محصلین تقدیر شول
د روان کال لړم میاشتې په دریمه نېټه د یوې غونډې په ترڅ کې د ممتاز او غوره محصلینو تقدیر او ستاینه وشوه نوموړې غونډه چې د محصلانو چارو معاونیت لخوا جوړه شوې وه، دلوړو نمرو اخیستونکي، نیک اخلاقه او هغه محصلین چې د پوهنتون له ادارې سره یې کار کړی وو وستایل شول.
په دې غونډه کې د پوهنتون عمومي اول نمره هم د لوړو زده کړو وزارت او کابل پوهنتون ریاست لخوا وستایل شوو.
د کابل پوهنتون رئیس ښاغلي دکتور اسامه عزیز په غونډه کې د خبرو په ترڅ کې د ګډون د خوښۍ ترڅنګ محصلینو ته په اسلام کې د دزده کړو او ښوونې په ارزښت خبرې وکړې او هغه یې دالله ج په نزد لوی امتیاز یاد کړ، زده کړیالان یې څړنیزو او علمي چارو او خپلو درسونو ته وهڅول.
ښاغلي عزیز وویل: محصلین حق لري چې ورسره وګورم، نظریات یې واورم چې ددې غونډې یوه موخه د محصلینو د نظریاتو اورېدل دي، او نوموړی بهیر به ادامه ولري، ښاغلي له محصلینو څخه وغوښتل چې باید لوړ همت ولري، له پردیو تبلیغاتو او حلقاتو څخه اغیزمن نه شي، او د هغوی د ګټې وړ نه شي او له ټولو مسایلو څخه خبر وي.
محصلینو د یادې غونډې په آخر کې د پوهنتون د رئیس له ګډون د هغه لارښوونو، نظریاتو څخه مننه وکړه او د پوهنتون په اړه یې خپل نظریات، وړاندیزونه، ستونزې او غوښتنې یې مطرح او د رهبرۍ د پاملرنې غوښتنه یې وکړه.
