د علمي چارو معین د کابل پوهنتون له استاذانو سره مجلس وکړ
د لوړو زده کړو وزارت علمي معين د کابل پوهنتون د استادانو له استازو او د پوهنځيو له رئيسانو سره د دې پوهنتون د رئيس او مرستیالانو په حضور کې مجلس وکړ.
په دې غونډه کې د دې پوهنتون رئیس دوکتور اسامه عزیز د پوهنتون د علمي او څېړنيزو چارو او وروستيو پرمختګونو په اړه معلومات شریک کړل.
د لوړو زده کړو وزارت علمي معین ش،يخ ضياء الرحمن مدني خپله وینا کې په دنده کې د تقوا، اخلاص او ایماندارۍ سپارښتنه وکړه او د عالي،قدر امي،ر الم،ؤ،من،ین حف،ظه الله تعا،لی د فرا،مي،ن پر تطبيق یې ټينګار وکړ.
نوموړي د ملک په پرمختګ کې د پوهنتون پر رول او همدارنګه د استادانو په لوړ مقام او لوی مسؤوليت رڼا واچوله او استاذانو ته يې په خطاب کې وويل چې ملک د ځوانانو په سالمه روزنه جوړيږي او دا روزنه ستاسو پر غاړه ده. نوموړي همداراز له استادانو وغوښتل چې له محصلانو سره لا زيات د مهربانۍ چلند وکړي، خپلو مسؤولیتونو ته یې متوجه کړي او د لوړو زده کړو په برخه کې خپل نيک نظرونه له وزارت سره شريک کړي.
د دې ترڅنګ د پوهنځيو رئيسانو ته سپارښتنه وشوه چې د استادانو له تدریسي میتود څخه څارنه وکړي، ستونزو ته رسيدګي وکړي او د اړتيا پرمهال یې د پوهنتون د رهبرۍ له لارې له وزارت سره شريکې کړي.
