کتابتون او د IT مرکز
د ټولنیزو علومو پوهنځی د خپلواک ساختمان لرونکی دی، چې د (۱۲) په شمېر سره درسي ټولګي، له (۱۰۰۰۰) ټوکو کتابونو څخه زیات او د (۲۰۰) محصلینو په منلو سره مجهز کتابتون، د IT مرکز او د کنفرانس تالار لرونکی دی. د ټولنیزو علومو پوهنځي په کتابتون کې شته سرچینې په فارسي ، پښتو او انګلیسي ژبو باندې دي، چې د عمومي معلوماتو او بېلا بېلو څانګو سرچینې پکې شاملې دي؛ په لاندې ډول دي:
الف) د مرجع سرچینې
ب) فرهنگونه
ج) د ختیځې او لویدیځې فلسفې په برخه کې مهم آثار
د) د ختیځ او لویدیځ تاریخي تمدنونو په برخه کې مهم آثار، د اسلام تاریخ او د افغانستان تاریخ
ه ) د بشرپوهنې او لرغونپوهنې په برخه کې مهم آثار
و) د ټولنپوهنې په برخه کې مهم آثار
د ټولنیزو علومو پوهنځي کتابتون د کانګرس سیسټم پر بنسټ باندې اداره کیږي.
د IT مرکز
د ټولنیزو علومو پوهنځي د IT مرکز له مناسب شمېر کمپیوټرونو څخه برخمن دی، چې په انټرنیټ باندې سمبال دي، د استادانو او محصلینو لاسرسي وړ ده.