د پوهنتون ممتاز محصلان وستايل شول
د کابل پوهنتون ممتاز محصلان د يوې غونډې په ترڅ کې، د دې پوهنتون د ښاغلي رئیس، محترمو مرستیالانو، د پوهنځیو قدرمنو رئیسانو استادانو او محصلانو په حضور کې وستايل شول.
په دې ستاينغونډه کې د پوهنتون محترم رئيس په خپله وينا کې ممتازو محصلانو ته د مبارکۍ ترڅنګ، پر دوامداره هڅو، د وخت پر مدیریت، د استاد د لوړ مقام پر درناوي، په چارو کې پر اخلاص او له صالحانو سره پر ملګرتیا ټینګار وکړ؛ او څرګنده یې کړه چې د افغانستان راتلونکي د ټولنې د ځوان قشر پر سالمې، ژمنې او تخصصي روزنې پورې تړلی دی، همداراز يې محصلانو د عاليقدر امیر المؤمنين (حفظه الله تعالی ورعاه) د فرمانونو ښه تطبيق، ټولنې ته د صادقانه خدمت، په نېکو کارونو کې د مخکښۍ او له الهي نعمتونو څخه سمې ګټې اخیستنې ته وهڅول.
په دې غونډه کې شاوخوا ٣٥٠ ممتاز محصلان د جوائزو او ستايندړو په ورکړې سره وستايل شول.
