د کابل پوهنتون حقوقي ستاژ زده کړو ۱۳ دوره پرانیستل شوه
د کابل پوهنتون حقوقي زده کړو ښوونیز ملي مرکز ستاژ ۱۳ دورې پرانیستې غونډه د پوهنتون رهبرۍ، استادانو او ستاژرانو په شتون کې د روان کال کې د غبرګولي میاشتې په ۲۳ نېټه د سه شنبې په ورځ دایره شوه.
په دې غونډه کې د حقوقي زده کړو ښوونیز ملي مرکز استاد او سرپرست ښاغلي نذیر احمد نثار راغلو میلمنو ته د ښه راغلاست ترڅنګ د یاد مرکز په کړنو او موخو خبرې وکړې.
د کابل پوهنتون رئیس ښاغلي دکتور اسامه عزیز د دیني او شرعي نصوصو له نظره په قضایي او عدلي نظام کې د عملي کارونو پر اهمیت او اړتیا خبرې وکړې او نوموړی مرکز یې د هېواد په کچه بې نمونې یاد کړ او له نړۍ او نورو اړوندو نظامونو سره یې په پراخو اړیکو ټینګار وکړ.
د عبدالله بن مسعود (رض) تخصصاتو جامعې رئیس ښاغلي شیخ عبدالمالک نیازي چې په یاد محفل کې ګډون درلود؛ پر تخصص او عملي کار د شریعت ټینګار په اړتیا خبرې وکړې او یادونه یې وکړه؛ د عبدالله بن مسعود جامعه هیله لري؛ چې د خپلو طالب العلمانو د عملي زده کړې لپاره د کابل پوهنتون حقوقي زده کړو ښوونیز ملي مرکز څخه استفاده کړې او دوه اړخیزې مرستې هوکړه لیک هم لاسلیک کړی دی.
په دې غونډه کې د حقوقو او سیاسي علومو پوهنځي رئیس ښاغلي پوهنمل احسان الله فیصل او د شرعیاتو پوهنځي رئیس ښاغلي شیخ عبدالمعید ابوالجراد هم خبرې وکړې او حقوقو او شرعیاتو پوهنځي محصلینو ته به د عملي کارونو پر برابرولو ټینګار وکړ.
