په فارمسي پوهنځي کې د میکروب ضد مقاومت نړیوالې اوونۍ نمانځنه وشوه
د نومبر له ۱۸ څخه تر ۲۴ مې نېټې پورې د میکروب ضد مقاومت د پوهاوي اوونۍ ده، په همدې مناسبت د روان کال یکشنبې په ورځ د لړم په ۲۸ ورځ د کابل پوهنتون علمي مرستیال، فارمسي پوهنځي رئیس او استادانو او نورو پوهنځيو رئیسانو او محصلینو په موجودیت کې ددې اوونۍ نمانځنه وشوه.
د فارمسي پوهنځي رئیس ښاغلی پوهنوال آقامحمد ژکفر ګډونوالو ته دښه راغلاست ترڅنګ ددې برنامې موخه د میکروب ضد مقاومت عواملو، زیانونو او مخنیوي په اړه پوهاوی یاد کړ.
همدارنګه د کابل پوهنتون علمي چارو مرستیال ښاعلي محمداشرف غیرت ددې مسئلې اهمیت په اړه خبرې وکړې او ددې برنامې ترسره کول یې غوره ګام یاد کړ او د کابل پوهنتون ټولو پوهنځيو څخه یې غوښتنه وکړه، چې دې ته ورته علمي برنامې ترسره کړي.
د برنامې په پای کې د فارمسي پوهنځي دوه تنه استادانو هر یوه ښاغلي پوهنوال حمیدالله راسخ او ښاغلي پوهنمل حشمت الله یوسفي ګډونوالو ته د میکروب ضد مقاومت د پوهاوي په اړه خپل څیړنیز پرزنتیشنونه وړاندې کړل
