په کابل پوهنتون کې د کابل پوهنتون د حقوقي ستاژ او د احصايي او معلوماتي ملي ادارې برېښنايي تذکرې بستونو کانکور ازموینه واخیستل شوه
د کابل پوهنتون د حقوقي ستاژ او د الکترونيکي تذکرو بستونو کانکور ازموینه د روان کال د غبرګولي په ۷ نېټه د جمعې په ورځ د کابل پوهنتون د رییس او رهبري، د ازموینو ملي ادارې رهبري، د مرکزي احصايي ملي ادارې مرستیال او د دې ازموینو داوطلبانو په ګډون په کابل پوهنتون کې پرانیستل شو.
د کابل پوهنتون رییس د دې ازموینو پرانیستې په غونډه کې خبرې وکړې، چې د کابل پوهنتو مرکزي کتابتون په تالار کې جوړ شوه وه، په پیل کې یې کابل پوهنتون ته د دوی راتګ ته ښه راغلاست وویل او د دې برنامې حاضرو داوطلبانو ته یې وویل تاسو د هیواد د یوې برخې د اړتیا لکه، حقوق، قضاء او حکومت جوړونې برخه کې خپل ظرفیت لوړ کړئ، چې متاسفانه پدې برخه کې د ښو قضاوتونو کم رول په دلیل او د پراخ عدالت نشتوالي څخه مو هیوادوال زوریږي. پدې توګه د تحصیل ټول داوطلبانو څخه پدې مرکز کې هیله کوو، چې د دې ډول مرکزونو قدر ولرو او په هغو کې د زده کړې برابرېدلو فرصت څخه زیاته ګټه پورته کړو او له دې لارې زورېدلو هیوادوالو ته ګټور او اغېزمن واقع شو. نوموړي زیاته کړه، چې د تېرو میاشتو په لړ کې د حقوقي ستاژ په همکاري مو زیات زیار کښلی تر څو دا مرکز او د هغې برنامې زیاتې مجهزې او د هیواد بچیو لپاره یو معیاري ځای جوړ شي. درس ورکړي او موخې وڅاري، چې د هیواد د عدلي او قضايي ټولنې مبرمه اړتیا ده. پوهاند بابري د خپلو خبرو په پای کې وویل: په خوښي سره د ازموینو ملي اداره په هیواد کې په يوه نمونه يي ادارې بدله شوې او د هغې په ازموینو کې د هېڅ ډول بې عدالتیو تشویش شتون نلري او په پای کې یې د دې ازموینو ګډون کوونکو ته د بریالیتوب هیله وکړه.
د ازموینو ملي ادارې د معلوماتو پر بنسټ د حقوقي ستاژ ازموینو په دې دورې کې ټولو ۳۷۷۱ تنو ګډون کړی وو، چې له دې ډلې څخه ۲۸۲۴ تنه یې هلکان او ۹۴۷ نجونې او د الکترونيکي تذکرو ټولو ۴۸۰۱ تنو ګډون کړی وو، چې له هغې ډلې ۴۲۱۰ تنه هلکان او ۵۹۱ تنه یې نجونې دي.
