زولوژي ډيپارټمنټ

پېژندنه:

زولوژي ډیپارټمنټ په ۱۳۹۵ لمریز کال کې د بیولوژي له پوهنځي سره سم رامنځته شو او خپل اکاډمیک فعالیتونه د دغه پوهنځي تر ریاست لاندې پر مخ بیایي. د دغه ډیپارټمنټ بنسټیز فعالیتونه د پوهنځي له درسي نصاب سره سم، د اړوندو مضامینو تدریس، علمي څېړنې تر سره کول، علمي کنفرانسونه، د مونوګراف په تدوین کې د زده‌کړیالانو لارښوونه، د پوهنځي او پوهنتون په کچه او د نورو اړوندو ادارو په بېلابېلو کمېټو کې ګډون؛ لکه، د چاپېریال ساتنې ملي ادارې سره د ملي پالیسي په جوړولو، د ژوند د تنوع حیات په برخه او  نورو برخو کې همکاري لري او  همدا ډول د کابل ژوبڼ سره هم دا ډیپارټمنټ همکاري لري. زولوژي ډیپارټمنټ په پام کې لري چې د تطبیقي او زماني شرایطو په برابرېدو سره د ډیپارټمنټ پرمختګ او پرمختیا لپاره اغېزناک ګامونه پورته کړي چې له هغې ډلې نه د زولوژي له ډیپارټمنت نه په اختصاصي شکل محصلینو فراغت او په زولوژي ډیپارټمنټ کې د اختصاصي کادرونو روزنه یې د یادونې وړ دي.

د زولوژې ډیپارټمنټ ښوونیزې موخې:

• په زولوژي څانګه کې د لیسانس په کچه دولتي او خصوصې ادارو ته د مسلکي او متخصصوکادرونو روزنه
• دولتي او خصوصي ښوونځیو ته د مسلکي او متخصصو ښوونکو روزنه
• د مسلکي زولوجسټانو روزنه
• خصوصي او دولتي ښوونځیو ته د لابراتواري عملي کارونو لپاره د تخنیکي اسیسټانټانو روزنه
• د اهلي او وحشي ژویو په اړه د مسلکي او تخصصي پوهې لېږد له لارې په افغانستان کې د نادرو او له منځه تلونکو ژویو د نسلونو خوندیتوب لپاره مبارزه
• د اقتصادي او فارمي ژویو د روزنې د ډول ډول لارو چارو زده کړه
• په ایکوسیسټم او ورځني ژوند کې د اهلي او وحشي حیواناتو په ارزښت پوهېدل
• د چاپېریال ساتنې او د ژویو د خوندیتوب فرهنګ ترویجول
• د ټولنې په مسلکي او تخصصي پرمختګ کې ونډه اخیستل او د افغانستان اسلامي امارت عالي موخو ته لاسرسی.
• د ژمن او مسلکي کاري ځواک روزنه

لیدلوری:

زولوژي ډیپارتمنټ په پام کې لري چې د  غوره کادرونو د مسلکي او تخصصي کچې لوړوالي او د څېړنو پراختیا په موخه په راتلونکي کې محصلان له اختصاصي زولوژي دیپارټمنټ فارغ کړي او په دې برخه کې ټولنې ته د زولوژي په برخه کې کادرونه او متخصص زولوجسټان وړاندې کړي.

 د زولوژي ډیپارټمنټ بنسټیزې موخې:

د زولوژي ډیپارټمنټ بنسټیزې موخې د علمي او مسلکي کادرونو روزنه، د زولوژي متخصصینو روزنه چې د زولوژي له بنسټیزو مفاهیمو سره آشنا وي او په ورځني ژوند کې یې وکارولی شي تر څو دا علمي کادرونه په زولوژي ډیپارټمنټ کې د لیسانس دورې له پای ته رسولو وروسته په راتلونکي کې د ښوونیزو مرکزونو د ښوونې او روزنې، په ښوونځیو کې د تدریس، په پوهنتونونو کې د تدریس، علمي او څیړنیزو ادارو، په زراعت څانګه کې، په تخنیکي او مسلکي انسټیټیوټونو کې تدریس، وترنري او چاپېریال ساتنه کې تدریس وکړي او د خصوصي سکټور اړتیاوې پوره کړای شي.

لابراتوار او ښوونیز تجهیزات:

د زولوژي دیپارټمنټ د علمي کادر غړي:

د زولوژي ډیپارټمنټ نصاب: