د تیاتر ډیپارټمنټ

د برنامې پېژندنه

د تیاتر برنامه په ۱۳۵۹ کال کې د کابل پوهنتون د هنرونو ښکلا پوهنځي له نورو څانګو سره یو ځای تاسیس شوه. د دې څانګې د رامنځته کولو اساسي هدف د تیاتر په برخه کې د ځوانو او زده کړو لرونکو کادرونو روزنه ده. د کابل پوهنتون د هنرونو ښکلا د پوهنځي د مهمو پروګرامونو له ډلې څخه، د تیاتر برنامه د تجربه لرونکو او د ماسټري په کچه تحصیل یافته استادانو په لرلو سره، د ننني نسل ځوانانو ته د هنري پوهې او علم څخه د برخمنېدو زمینه برابروي.

محصلین کولای شي د کانکور ازموینې په بریالیتوب سره د تیاتر برنامې ته داخل شي. دوی خپلې زده کړې په اته سمسترونو، یعنې څلورو تحصیلي کلونو کې بشپړوي او درې‌ژبې لیسانس سند ترلاسه کوي.

د تیاتر برنامې محصلان کولای شي خپلې پای‌لیکنې (پروژې) د استادانو تر لارښونې لاندې په دوو طریقو عملی او نظري بشپړې کړي او د لیسانس دورې له امتیازونو ګټه واخلي.

محصلان د هغه درسي کریکولم له مخې چې د محترم وزارت د تحصیلات عالی له خوا منظور شوی، داسې مضامین زده کوي چې له فراغت وروسته ورته د ښه کاري فرصتونو زمینه برابروي.

د دې برنامې فارغان کولای شي د اطلاعاتو او فرهنګ وزارت په هنري برخو، د ملي تیاتر آمریت، د افغان فلم آمریت، دولتي او خصوصي تولیدي ستودیوګانو، او د افغانستان د لیدلو او اورېدونکو رسنیو په بېلابېلو هنري او فرهنګي برخو کې دندې ترسره کړي. دوی کولای شي د دې لارو خلکو ته خدمت وکړي او خپله ورځینۍ معیشت تامین کړي.

سربېره پر دې، دغه برنامه کولای شي له ملي او نړیوالو بنسټونو سره د دوه‌اړخیزې همکارۍ تفاهم‌لیکونه ولري، چې له مخې یې یاد بنسټونه د تیاتر له پروګرام سره مادي او معنوي مرستې کوي.

د تیاتر د برنامې لیدلوري

د تیاتر د لیسانس برنامه د اسلامي ارزښتونو پر بنسټ، د تیاتر هنر د انسانې، ټولنیزو او اخلاقي ارزښتونو د پیاوړتیا لپاره یو مهم وسیله معرفي کوي. دا لید د تیاتر د هنر د هغو مثبتو اغېزو اهمیت روښانوي چې د زده‌کړې، الهام او د ټولنو او کلتورونو پر مثبت بدلون تمرکز لري.

د تیاتر د برنامې ماموریت

د تیاتر د لیسانس برنامه د تیاتر د هنر د روزنې او ترویج له لارې د انسانې او ټولنیزو ارزښتونو د لوړاوي ماموریت لري. دغه برنامه د ټولنیز همبستګۍ د پیاوړتیا، د کلتوري هویت د ټینګښت، د انساني اړیکو د تقویت او د اسلامي ټولنې د ځوانو هنري ځواکونو د روزنې لپاره کار کوي. دا برنامه چې د اسلامي اخلاقي او انسان‌محوره ارزښتونو پر بنسټ ولاړه ده، د کلتور د بډاینې او د ټولنې د ارزښتونو د لوړاوي لپاره اغېزمن رول لوبوي او د ټولنیز او کلتوري پرمختګ یو مهم وسیله ګڼل کېږي.

د تیاتر د برنامې د زده‌کړې موخې

د تیاتر برنامه د هېواد د ملي او تاریخي ارزښتونو د ساتنې لپاره رامنځته شوې ده او هڅه کوي چې د اسلامي ښوونو او د اسلامي امارت د تګلارو په رڼا کې د ځوانانو د تحصیلي کچې د لوړاوي لپاره خدمت وکړي. سربېره پردې، لاندې موخې هم تعقیبوي:

• د تیاتر د هنر له بنسټیزو مفاهیمو او عملي مهارتونو سره د محصلانو بلدول.
• د ځوان نسل روزنه د داسې ژمن، متخصص او څېړنوپاله ځواک په توګه چې وکولای شي د بشري پوهې د بن‌مایو په بډاینې کې ونډه واخلي او د تیاتر د هنر د بریالي هنرمند په توګه د هنري تولیداتو د ښه‌والي لپاره وړتیا ولري، لکه: د نمایشونو اجرا، رول ادا کول په فلمونو کې، او نور هنري فعالیتونه.
• د هېواد له ادبي، هنري، کلتوري، تبلیغاتي او تاریخي سرچینو سره د محصلانو بشپړه بلدیت؛ ترڅو د پردیو کلتوري او عقیدوي یرغل پر وړاندې یې د ساتنې او پاسدارۍ توان پیدا کړي.
• د محصلانو بلدتیا له معیاري او معاصر تیاتري آثارو او طریقو سره، په ملي او سیمه‌ییزه کچه.
• په مربوطه برخه کې څېړنه، تألیف او د کتابونو ژباړه.
• هڅه د داسې مسلکي کادرونو د روزنې لپاره چې د تیاتر د هنر له لارې د ټولنیزو ستونزو، نیمګړتیاوو او کلتوري مسایلو د انعکاس ظرفیت ولري.
• له ملي او نړیوالو بنسټونو سره په هنري او کلتوري مسایلو کې همکاري او ونډه اخیستل، په ځانګړي ډول په اسلامي هېوادونو کې.

ارزښتونه

لاندې ارزښتونه د دې برنامې په درسي نصاب کې په پام کې نیول شوي دي:

1. د دیني او ملي اسلامي ارزښتونو او شعایرو ساتنه، درناوی او رعایت.
2. د عقیدوي، فکري، اخلاقي، علمي او مسلکي روحيې هر اړخیزه پیاوړتیا.
3. د اخلاص، تقوا او د عبادتونو د ترسره کولو روحيې تقویه.
4. د دین‌پالو، مسلکي او د اسلامي ارزښتونو پابندو کادرونو روزنه.
5. د اسلامي ورورولۍ، وحدت، شفقت، همدردۍ، خدمت‌ګزارۍ، متقابل احترام او ایثار روحيې پیاوړتیا.
6.  په ورځني ژوند کې د شرعي احکامو عملي کول او په هغو باندې د قوي باور روحيې ټینګښت.
7. د دینی او عصري علومو ترمنځ د اړیکې د ټینګښت او توازن روحيې پیاوړتیا، د دیني اصالت او د زمانې اړتياوو پر بنسټ.
8. د انساني روحاني، فکري او بدني اړتیاوو ترمنځ د توازن ټینګښت د وحی او الهي احکامو پر بنسټ.
9. د اسلامي، هنري، کلتوري او ملي ارزښتونو ساتنه او پاسداري.
10. د تیاتر هنر د ملتونو ترمنځ د یوې ګډې ژبې په توګه پېژندل شوی او اوس هم د نړۍ له مهمو او منل شوو هنرونو څخه ګڼل کېږي.
11. د افغانستان د تیاتر هنر تاریخي شالید او ارزښتمنې لاسته راوړنې لري او په معاصر عصر کې د افغاني ټولنې یوه مهمه اړتیا او محسوسه اړتیا بلل کېږي.

د تیاتر د برنامې د دوراني بیاکتنې لنډه پایله

د تیاتر برنامه په ۱۴۰۳ کال کې دوراني بیاکتنه شوه، او د درنولیا پانل د یاداښتونو پر بنسټ اړینې شکلي او محتوایي اصلاحات پلي شول. د کیفیت د ارتقا د محترم آمریت د مکتوب د شمارې (411) مؤرخ 23/10/1403 له مخې، د تیاتر د برنامې د دوام وړاندیز شوی دی.

 

د مسلکي مضامین جدول

شمېره	د مضمون نوم	د مضمون کود	د مضمون کریدت
1	د تیاتر لارښودنه۱	B.T.0117	۲
2	د تیاتر لارښودنه۲	B.T.0217	۲
3	د تیاتر لارښودنه۳	B.T.0317	۴
4	د تیاتر لارښودنه۴	B.T.0417	۴
5	د تیاتر لارښودنه۵	B.T.0517	۳
6	د تیاتر لارښودنه۶	B.T.0617	۴
7	د تیاتر لارښودنه۷	B.T.0717	۴
8	د تیاتر لارښودنه۸	B.T.0817	۳
9	اداکاري۱	B.T.0118	۲
10	اداکاري۲	B.T.0218	۲
11	اداکاري۳	B.T.0318	۴
12	اداکاري۴	B.T.0418	۴
13	اداکاري۵	B.T.0518	۳
14	اداکاري۶	B.T.0618	۴
15	اداکاري۷	B.T.0718	۴
16	اداکاري۸	B.T.0818	۳
17	تحلیل او تجزیه	B.T.0119	۲
18	د صحني وینا۱	B.T.0520	۲
19	د صحني وینا۲	B.T.0620	۲
20	د صحني وینا۳	B.T.0720	۲
21	د ډرامې لیکلو اصول	B.T.0421	۲
22	ډراماتيک ادبیات	B.T.0222	۲
23	نقد 1	B.T.0723	۲
24	نقد 2	B.T.0823	۳
25	مکیاژ 1	B.T.0524	۲
26	مکیاژ 2	B.T.0624	۲
27	د  نړی د تیاتر تاریخ	B.T.0325	۲
28	د افغانستان د تیاتر تاریخ	B.T.0426	۲
29	ډوبله کول ۱	B.T.0727	۲
30	ډوبله کول ۲	B.T.0827	۴
31	انڅورګری	B.T.0228	۴