له کابل پوهنتون څخه (۲۵۰۰) تنه محصلین فارغ شول

د روان کال لیندۍ میاشتې په ۳۰نېټه د لویې جرګې په تالار کې د کابل پوهنتون ۱۴۰۲هـ ش کال محصلینو د فراغت مراسم د ا.ا.ا کابینې غړو له ډلې څخه د داخلي چارو وزارت سرپرست، د دفاع چارو وزارت سرپرست، د لوړو زده کړو وزارت رهبرۍ، د چارو ادارې عمومي رئیس، د کابل پوهنتون ټولو استادانو، محصلینو او مېلمنو په شتون کې ترسره شول.

د کابل پوهنتون رئیس ښاغلي دوکتو اسامه عزیز فارغ محصلینو ته د مبارکۍ او میلمنو ته د ښه راغلاست تر څنګ وویل:(( په تیرو څلویښتو کلونو کې هڅې ترسره شوې، تر څو د کابل پوهنتون ملي او اسلامي رسالت له منځه لاړ شي، اما د خدای په فضل د اسلامي امارت نظام په راتلو سره یادې هڅې له منځه تللې دي.))

نوموړي په بیلابیلو برخو کې د نظام پر ځان بساینې او غښتلي کیدو په اړه خبرې وکړې او په دې برخه کې یې د بریا راز د هېواد علمي بنسټونو لخوا د دینداره، ژمنو او مسلکي کسانو روزل یاد کړل، دوکتور عزیز په خپلو خبرو کې زیاته کړه، چې د تیرو دوو کالونو په جریان کې د نظام رهبرۍ په علمي او څیړنیزو برخو کې ځانګړې پاملرنه کړې ده.

د لوړو زده کړو وزارت سرپرست وزیر ښاغلي شی/خ مو/لوي ندا/محمد/ ندیم په یادو مراسمو کې وویل: (( د اسلامي امارت رهبري د لوړو زده کړو ته ژمن دی او الحمدالله تر اوسه یې زموږ ټولې غوښتنې قبولې کړې دي او موږ هم په تیرو دوو کلنو کې د نصاب، زیر بنا او نویو پوهنځیو په تشکیل کې زیات پرمختګونه کړي دي.))

د یادو مراسمو په لړ کې د داخلي چارو سرپرست وزیر محترم خ/لیفه سراج ال/دین ح/قاني د خبر په لړ کې وویل: (( تیر اشغال د پوهنتون او مدرسې ترمنځ فاصله رامنځ ته کړې ده او موږ هڅې کوو، چې نوموړې فاصله له منځه یوسو، اوس بشپړه آزادي زموږ په برخه شوې ده او دا دعلمي مرکزونو مسؤلیت دی، چې خپل هېواد پخپلو پښو ودروي او له دې طلایي فرصت څخه غوره ګټه ترلاسه کړي.))

همدارنګه د دفاع چارو سرپرست وزیر ښاغلي مو/لوي/ محمد /یعقوب مج/اهد په یادو مراسمو کې وویل:(( موږ باید د ټولنې په ټولو برخو کې متخصص او مسلکي اشخاص ولرو، تر څو خپلې ستونزې خپله حل کړو او بهرنیانو ته اړ نشو، په دې برخه کې د ټولنې هیلې تاسې محصلینو او ګرانو استادانو ته دي، راشئ، ژمنه وکړئ، چې په ټول توان دې هېواد ته خدمت وکړو.))

د مراسمو په پای کې فارغو محصلینو باندې تصدیق پاڼې هم وویشل شوې.