د Lumpy Skin Disease ناروغۍ د پېژندې، کنترول او درملنې په اړه په کابل پوهنتون کې کنفرانس تر سره شو

ناپیژنده (not verified)
سه‌شنبه ۱۴۰۱/۵/۱۸ - ۱۵:۵۷
9pic

پدې وروستیو کې د هېواد په بېلابېلو ولایتونو په غواګانو کې د Lumpy Skin Disease  د ناروغۍ د خپرېدو په اړه راپورونه خپاره شوي چې په همدې وجه د یادې ناروغۍ د پېژندنې، کنترول او درملنې تر عنوان لاندې کنفرانس د کابل پوهنتون د وترنري علومو پوهنځي لخوا د کرنې وزارت، د عامې روغتیا وزارت او د کابل ښاروالۍ د استازو په ګډون جوړ شو.

 لومړی د کابل پوهنتون د وترنري علومو پوهنځي رئیس پوهاند دکتور شیرشاه سادات د موضوع په اړه هر اړخیزې خبرې وکړې او له رسنیو یې وغوښتل چې هغه څه چې پدغه کنفرانس کې د Lumpy Skin Disease  په اړه بیانېږي تر عامو خلکو پورې ورسوي.

ورپسې د وترنري پوهنځي استاد ښاغلی پوهنوال ډاکټر اسدالله صمدی د Lumpy Skin Disease د ناروغۍ په اړه ګډونوالو ته علمي معلومات وړاندې کړل او ویې ویل چې یاده ناروغي انسانانو ته نه انتقالېږي او په څارویو کې د درملنې وړ ده هغه زیاته کړه چې په نړۍ کې ددغه ناروغۍ پر وړاندې اغېزمن واکسین وجود لري او د کرنې وزارت یې باید هیواد ته وارد کړي.

پدغه کنفرانس کې د کرنې وزارت د څارویو د روغتیا ریاست استازي ډاکټر ابراهیم فروتن د کابل پوهنتون د رهبرۍ څخه ددغه کنفرانس د جوړولو په پار مننه وکړه او د هېواد په بېلابېلو سیمو کې یې د یادې ناروغۍ د پېښو په اړه معلومات وړاندې کړل او پدې اړه یې د کرنې او مالدارۍ وزارت کړنې وستایلې او زیاته یې کړه چې ډیر ژر به په ټول هېواد کې ددغه ناروغۍ ضد واکسینو کمپاین پیل کړي.

دغه راز د عامې روغتیا وزارت د سرویلانس ریاست استازي ډاکټر نصیر احمد ستانکزي پدې کنفرانس کې وویل چې د دوی اداره چمتو ده چې پدې برخه کې د اړونده بنسټونو سره مرسته وکړي په وروستیو کې ډاکټر صمدي د یاد کنفرانس پایلې بیان او له رسنیو یې و غوښتل چې ددغه ویرویس د مخنیوي او درملنې د لارو چارو په اړه خلکو ته معلومات وړاندې کړي.

تازه خبرونه

چهارشنبه ۱۴۰۲/۷/۱۲ - ۱۲:۱۹
Background image

د حقوقي ستاژ ۱۳پړاو دوهمې تمثیلي محکمې سیالي ترسره شوه

د کابل پوهنتون حقوقي زده کړو ملي مرکز حقوقي ستاژ ۱۳ پړاو دوهمې تمثیلي محکمې سیالي د روان کال د تلې په ۱۱نېټه د سه شنبې په ورځ ترسره شوه.

په نوموړې محکمه کې د معمول مطابق د قضایي هیئت،. . .

چهارشنبه ۱۴۰۲/۷/۱۲ - ۱۱:۳۸
Background image

له سلو تنو څخه زیاتو محصلینو د څیړنې ترسره کولو چارو، ددندې مهارتونو او کمپیوټر اکسېل پروګرام په برخو کې زده کړې وکړې

نوموړی پروګرام د کابل پوهنتون محصلینو خدماتو انسجام آمریت لخوا ترسره شو، چې پکې ۴۰ تنه د دندې مهارتونو، ۴۵ تنو د څیړنې ترسره کولو چارو او ۴۷ تنو  نورو د کمپیوټر اکسېل پروګرام په برخو کې. . .

یکشنبه ۱۴۰۲/۷/۹ - ۱۶:۳۷
Background image

د افغانستان پرځان بسياینې لپاره د زرغون انقلاب لومړي نړیوال کنفرانس پېژند غونډه ترسره شوه

د روان کال د تلې په ۹ مه نېټه یک شنبه د کرنې په برخه کې د افغانستان پرځان بسیاینې لپاره د زرغون انقلاب نړیوال کنفرانس دوهمه پېژند غونډه؛ چې پام کې ده؛ د روان کال په پای کې د کابل. . .

BACK TO NEWS

گالری رسانه

کابل پوهنتون د نارینه محصلینو په لیلیه کې د اوبو فلتر کولو دوه پایې ماشینونه ګټې اخیستنې ته وسپارل شول

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم

د کابل پوهنتون استادانو ته د لوړو زده کړو محترم وزیر شیخ ندا محمد ندیم صاحب د وینا یوه برخه:

د کابل پوهنتون د ۱۴۰۱ هـ ل کال د فارغ التحصیل محصلینو د فراغت غونډې مراسم تر سره شول

د کابل پوهنتون د ۱۴۰۱ هـ ل کال د فراغت غونډې د عکسونو البوم

له نرم او ښایسته باران وروسته د کابل پوهنتون دښایسته انګړ د عکسونو البوم