د کابل پوهنتون زده کړه ییز مرکز او ایډیټوریم پرانیستل شو

ناپیژنده (not verified)
یکشنبه ۱۴۰۱/۵/۹ - ۱۶:۱۱
pic6

د کابل پوهنتون د زده کړه ییز مرکز او ایډیټوریم ودانۍ چې د چین له خوا جوړه شوې وه، د پوهنتون د استادانو او محصلینو په ګډون د لوړو زده کړو سرپرست وزیر، د کابل پوهنتون رئیس او د چین د سفیر له خوا پرانیستل شوه.

په پیل کې د کابل پوهنتون رئیس ښاغلي دکتور اسامه عزیز د پرانیستې په دې مراسمو کې د مېلمنو له ګډونه پر مننې سربېره وویل چین د مخه هم له کابل پوهنتون سره همکاري درلوده، چې تر دې دمخه یې څو نورې ودانۍ هم جوړې کړي دي، دا نوې ودانۍ په پرمختللیو  معیارونو سمبال او د هېواد په کچه بې جوړې ده،اوغوښتنه یې وکړه چې دوست هېواد چین له کابل پوهنتون سره  خپلې مرستې او همکارۍ  روانې وساتي، ښاغلي  رئیس زیاته کړه د هېواد  د دې لوی علمي بنسټ پر مادي ابادۍ سربېره په معنوي پرمختګ کې هم له خدای ج څخه  د هڅو توفیق غواړو.

د لوړو زده کړو سرپرست  وزیر ښاغلي الحاج عبدالباقي حقاني د افغانستان او چین د دوستۍ او له افغانستان سره د نوموړي هېواد د مرستو په اړه خبرې وکړې، ښاغلي حقاني وویل زموږ هېواد له ستونزمنو حالاتو تېرېږي، یو شمېر هېوادونه غواړي چې زموږ د لوړو زده کړو سیسټم زیانمن کړي، هیله ده چې دوست هېواد چین راسره مرسته وکړي چې موږ پر پښو ودرېږو.

په کابل کې د چین سفیر ښاغلي وانګ یو هم په خپلو خبرو کې له افغانستان سره د چین د مرستو په  اړه معلومات ورکړل، ښاغلي وانګ وویل دا او دېته ورته نورې ودانۍ؛ چې په خورا معیاري بڼه جوړې شوي دي، د افغانستان له لوړو زده کړو سره د چین د مرستو بېلګې دي، نوموړي ډاډ  ورکړ چې له لوړو زده کړو او په تېره کابل پوهنتون سره دا ډول مرستې په په راتلونکې کې هم روانې وي.

د یادونې وړ ده چې د زده کړې دا مرکز څلوېښت ټولګي، دوه متوسط تالارونه  او یو د ۱۵۰۰ تنو په  ظرفیت  سره لوی تالار لري چې د MCC19 چینايي شرکت له خوا په پرمختللیو ودانیزو معیارونو سمبال پنځو کالو کې جوړ شوی دی چې د تهویې، صحت او تخنیکي منظم سیسټمونه لري.

تازه خبرونه

سه‌شنبه ۱۴۰۲/۱/۱ - ۱۵:۲۰
Background image

د کابل پوهنتون علمي شورا غونډه ترسره شوه

د کابل پوهنتون علمي شورا غونډه د روان ۱۴۰۲ هـ ل کال په لومړۍ ورځ د پوهنتون رئیس او مرستیالانو په ګډون کې ترسره شوه.

په نوموړې غونډه کې د ماسترۍ (۷) او د دکتورا (۲) نویو برنامو د رامنځ. . .

دوشنبه ۱۴۰۲/۱۲/۲۹ - ۹:۴۱
Background image

د کابل پوهنتون کرنې پوهنځي د ۱۴۰۱ کال خپلې لاسته راوړنې او د راتلونکي ۱۴۰۲ کال پلانونه او طرحې د کنفرانس په ترڅ کې وړاندې کړې

د کرنې پوهنځي رهبرۍ د 1401 کال کړنې، لاسته راوړنې او ستونزې د کنفرانس په ترڅ کې د پوهنتون د رهبرۍ ته وړاندې کړې او د راتلونکي 1402کال د پلانونو او طرحو څخه یې هم خبر کړل.

د کرنې پوهنځي. . .

پنجشنبه ۱۴۰۱/۱۲/۲۵ - ۱۳:۲۶
Background image

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون ادراي او مالي چارو مرستیال ښاغلي حافظ عبیدالله "عبیده" د روان کال کب میاشتې په ۲۵ نېټه پنجشنبې ورځ د کابل پوهنتون په انګړ کې د پوهنځيو رئیسانو، استادانو او محصلینو په. . .

BACK TO NEWS

گالری رسانه

د پسرلي په موسم کې د کابل پوهنتون انګړ

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم

د کابل پوهنتون د لوړو زده کړو د پیاوړتیا ملي کنفرانس انځوریز البوم

د کابل پوهنتون استادانو ته د لوړو زده کړو محترم وزیر شیخ ندا محمد ندیم صاحب د وینا یوه برخه:

د ټولنیزو علومو پوهنځي کې د ماسټري د نویې برنامې رامنځ ته کېدو د نصاب په اړه د نظر شریکولو غونډه ترسره شوه

د کابل پوهنتون د کرنې پوهنځي د څېړنیز پوسترونو نندارتون پرانستل شو

د کابل پوهنتون د ۱۴۰۱ هـ ل کال د فارغ التحصیل محصلینو د فراغت غونډې مراسم تر سره شول

د کابل پوهنتون د ۱۴۰۱ هـ ل کال د فراغت غونډې د عکسونو البوم

له نرم او ښایسته باران وروسته د کابل پوهنتون دښایسته انګړ د عکسونو البوم

دکابل پوهنتون د ښکلو هنرونو پوهنځۍ د پسرلنی سمسټر د نندارتون په مراسمو کې دلوړو زده کړو وزارت دعلمي معین ښاغلی لطف الله خیرخواه صاحب وینا