د پوهنځی تدریسي پرګرامونه

د ارتباطاتو او ژورنالیزم پوهنځی  دری بېل ډیپارټمنټونه لري، چې محصلین د خپلې خوښې سره سم په لاندې دریو رشتو کې زدکړې کولای شي:

• د عامه اړیکو ډیپارټمنټ
• د ژورنالیزم ډیپارټمنټ
• د ارتباطاتو مطالعې ډیپارټمنټ

د لیسانس په کچه درسي پروګرام په یوه څلورکلنه دوره ده، چې په اتو سمسترونو کې تدریسیږي. دا دوره اساسي،‌ اختصاصي او پوهنتون شموله مضمونونه لري، چې محصلین نظري درسونه په صنف او عملي هغه په ګروپي ډول په سټوډیوګانو او د عملي زدکړو په نورو برخو کې زدکوي.

 د ارتباطاتو او ژورنالیزم پوهنځی لیدلوری:

د ارتباطاتو او ژورنالیزم پوهنځی لیدلوری د معیاري زدکړو د کیفیت لوړول، معیاري تدریس، د رسنیو اړوندو چارو په اړه د څېړنو اسانتیاوې برابرول، د رسنیو په برخه کې د هیواد او سیمې د اړتیا وړ علمي څېړنو پراختیا او د ژورنالیستانو او رسنیو اړوندو ملي بنسټونو د خدمت په برخه کې فعال رول لوبول دی.

د ارتباطاتو او ژورنالیزم پوهنځی ماموریت:

• د تدریس، څېړنو او علمي کارونو له لارې د ژورنالیستانو د پوهې د سطحې لوړول.
• د ارتباطاتو او ژورنالیزم اړوندو چارو پراختیا او ښه والی او  د رسنیو په تولیدي برخه کې د رهبرۍ رول لوبول.
• د هیواد په کچه د رسنیزو خدمتونو د وړاندې کولو په موخه ټولنې ته په ژورنالیستکه پوهه، مهارتونو او وړتیاوو د سمبال وړ ژورنالیستانو وړاندې کول.
• د معیاري رسنیزو خدمتونو وړاندې کولو له لارې د ژورنالیستانو او رسنیزو بنسټونو پراختیا.‌