د کابل پوهنتون محصلینو ته د (( فلسطین قضیې)) تر عنوان لاندې سمینار ترسره شو
نوموړی سمینار دروان کال لړم میاشتې په ۳نېټه د چهارشنبې په ورځ د کابل پوهنتون محصلینو ته د شیخ زاید پوهنتون استاد ښاغلي پوهنمل دکتور احمدجاوید شکیب لخوا وړاندې شو. په دې سمینار کې د تاریخ په اوږدو کې د صهیونیستي رژیم لخوا د فلسطین نیول کېدو مسئلې په اړه خبرې وشوې او محصلینو ته لازم معلومات وړاندې شول.
د کابل پوهنتون محصلانو چارو ښاغلي صلاح الدین ایوبي چې په نوموړي سمینار کې یې برخه اخیستې وه؛ د خبرو په لړ کې محصلین په علمي غونډو کې د ګډون له امله و هڅول او هغه یې ددوی مسؤلیت و باله.
