د کمپیوټر ساینس پوهنځي ماسټرۍ برنامې دفاع ترسره شوه
د کابل پوهنتون کمپیوټر ساینس پوهنځي ماسټرۍ برنامې څخه فارغ محصلینو د تزس دفاع د روان کال وږي میاشتې په ۱۴ نېټه پیل شوه. په دې برنامه کې د پوهنتون رئیس او مرستیالانو، د کمپیوټر ساینس پوهنځي رئیس، استادانو، د مخابراتو وزارت (آی ټي) بخش مسؤلینو او د ماسټرۍ برنامې آمر برخه اخیستې وه.
د کابل پوهنتون رئیس ښاغلي دکتور اسامه عزیز فارغ محصلینو ته تبریک ویلو ترڅنګ هغوی ته د بریا هیله څرګنده کړه. نوموړي ټینګار وکړ چې د کابل پوهنتون لکه څنګه چې لوړ ارزښت لري؛ همدارنګه علمي مسؤلیت هم لري او هڅه کوي چې ترڅو ظرفیت لرونکي متخصص کادرونه له دې بنسټ څخه ټولنې ته وړاندې کړي.
دکتور عزیز زیاته کړه چې محصلین باید د نظام په ټولو برخو کې علمي او عملي برلاسي او وړتیاوې وښیي تر څو کې له دې لارې دوی ته د کارموندنې او ګمارنې زمینه برابره شي.
په پام کې ده چې کمپیوټر ساینس پوهنځي ماسټرۍ یادې برنامې څخه ۲۴تنه فارغ شي او د تزس دفاع به په دوو ورځو کې ترسره کړي.
