په کابل پوهنتون کې د لوګر ولایت په مرکز پل علم کې د کانکور ازموینې ګډونکوونکو او ځوانانو د او همدارنګه د کابل په لویديځ د سیدالشهدا ښوونځي د دردناکې او د هیواد ټولو وروستیو پېښو په اړه د فاتحې مراسم جوړ شول
په هیواد کې د وروستیو پېښو شهیدانو لپاره د فاتحې مراسم د روان کال د غوايي په ۲۱ نېټه د سه شنبې په ورځ د کابل پوهنتون رییس او مرستیالانو، د پوهنځیو رییسانو، استادانو او یو شمېر محصلینو او کارمندانو په ګډون په کابل پوهنتون کې جوړ شول.
د کابل پوهنتون رييس پوهاند دکتور محمد عثمان بابري د دې مراسمو د پیل خبرې، چې د قران کریم په مبارکو ایاتونو پیل او د پوهنتون د محصلینو چارو مرستیال پوهندوی فیصل امین لومړنۍ خبرو سره پیل شول، د کابل پوهنتون د علمي کادر د غړو، محصلینو او کارمندانو په استازيتوب یې د شهیدانو کورنیو، د برنامې ګډون کوونکو او د افغانستان لوی ملت ته خپل د خواخوږي او تسلیت مراتب څرګند او کابل پوهنتون پدې د غم درندو ورځو کې خپل بیرغ نیم ځوړند او د ګران هیواد د خلکو په غم کې ځان شریک وشمېره.
پوهاند بابري زیاته کړه، چې په تېرو دوه لسیزو کې د هیواد په زیاتو ځایونو او په مختلفو برخو کې زیات د یادونې وړ پرمختګونه شوي دي او په زیاتو برخو کې له فرصتونو څخه هم غلطه ګټه پوره شوې ده، چې اړینه ده په جدي توګه یو ځل بیا تامل او اساسي فکر وشي، چې مونږ د افغانستان خلک د کار په کوم ځای کې یو؟ څه کوو؟ او په اوس وخت کې زمونو رول څه دی او باید څه وکړو؟
نوموړي د خپلو خبرو په پای کې د قران کریم ایات ته په اشاره وویل: هیله لرو په یوه حرکت او ډلییز فکر، اوسنۍ نامناسب او مصیبت زېږوونکي حالت باندې بریالي شو او له دې لارې مو هیواد او هیوادوالو ته د قدرت، پیاوړتیا او ارامي نصیب شي.
وروسته دا برنامه د هیواد وروستیو پېښو شهیدانو پاک روح په ځانګړې د لوګر ولایت او همدارنګه د کابل په لویديځ کې د سیدالشهدا ښوونځي پاک روح او د هیواد ته د بریالیتوب دعا سره پایته ورسېدل.
