د فارمسي پوهنځي ستراتیژیک پلان په اړه د پوهاوي سمینار ترسره شو
نوموړی سمینار چې د روان کال غويي میاشتې په ۱۳ نېټه د چهارشنبې په ورځ جوړ شوی وو؛ د فارمسي پوهنځي اداري کارکوونکو او محصلینو پکې ګډون درلود.
د فارمسي پوهنځي ستراتیژیک پلان د پوهنځي ستراتیژیک پلان کمټې لخوا د راتلونکو پنځو(۱۴۰۲ـ۱۴۰۶) کلونولپاره جوړ شوی چې د پوهنځي او پوهنتون علمي شورا لخوا تائید شوی دی.
د فارمسي پوهنځي رئیس ښاغلی پوهنوال آقا محمد ژکفر د یاد سمینار د وړاندې کولو په وخت کې وویل: «نوموړی پلان د پوهنځي پنځه کلنې موخې ټاکي، په پلان کې د غښتلتیا، کمزورتیا، فرصتونه او ننګونې په نظر کې نیول شوې دي، کامیاب پلان دی، چې د هغه د محتویاتو او جزیاتو د پوهاوي په اړه مو نوموړی سمینار جوړ کړی دی».
د فارمسي پوهنځي رئیس همدارنګه زیاته کړه، چې د پخواني ستراتیژیک پلان له پلې کولو څخه غوره لاسته راوړنې لري.
د فارمسي پوهنځي ستراتیژیک پلان د پوهتنون د خپرونو په آمریت کې تر چاپ لاندې دی او ژر به د پوهنځي شعبو او څانګو په اختیار کې ورکړل شي.
