د کابل پوهنتون اقتصاد محصلینو ته د مالیاتي قوانینو پیژندلو په اړه سمینار دایر شو
نوموړی سمینار د مالیې وزارت عوایدو عمومي ریاست لخوا د مالیاتي قوانینو، طرزالعملونو، لارښوونې، لایحو او سیستمونو په اړه د اقتصاد پوهنځي محصلینو ته دایر شوی دی.
د اقتصاد پوهنځي رئیس ښاغلي پوهنیار جاوید احمد شهیدي نوموړی سمینار د محصلینو په هڅوونه کې مهم یاد کړ او زیاته یې کړه؛ چې د محصلینو د عملي کارونو لپاره به زیاتې هڅې وکړي، تر څو په دې برخه کې یې شته ستونزې حل شي.
د مالیې وزارت عمومي عوایدو ریاست ترینر عبادالله درمل ددې سمینار موخه د محصلینو د علمي مهارتونو لوړول، د عوایدو ریاست د جوړښت سره بلدتیا او همدارنګه دهېواد د مالیاتي قوانینو پیژندل یادکړل، او زیاته یې کړه، چې نوموړی سمینار د محصلینو د عملي کارونو د خوځښت سبب کیږي.
په یاد سمینار کې د ګډونوالو محصیلنو څخه یو تن دمالیې وزارت څخه د ددې سمینار له دایریدو مننه وکړه او ټینګار یې وکړ، چې محصلین د عملي کارونو سره علاقه لري او دې ته ورته نور سمینارونه دې هم په راتلونکي کې ترسره شي.
د یادونې وړ ده، چې نوموړی سمینار د کابل پوهنتون محصلانو انسجام آمریت سره په همغږۍ د محصلینو لپاره دایر شوی دی او په پام کې ده په راتلونکي کې هم ادامه ولري.
