د کابل پوهنتون د مسلکي پرمختیا مرکز له لوري د غوره پاورپواینټ د جوړولو او وړاندې کولو لاروچارو اړوند ورکشاپ جوړ شو
د کابل پوهنتون د مسلکي پرمختیا مرکز له لوري د غوره پاورپنټ د جوړولو او وړاندې کولو د لاروچارو ورکشاپ په پوهنتون کې د نويو ګمارل شوو ۲۰ تنو استادانو لپاره د روان کال د سرطان په ۶ نېټه د دوشنبې په ورځ جوړ شو.
پدې ورکشاپ کې د لکچرنوټ، سمینارونو، علمي کنفرانسونو او د ښوونیزو برنامو په وړاندې کولو کې له پاورپواینټ څخه ګټه اخیستنه د پوهنوال دکتور اسدالله حامد له لوري په داسې حال کې، چې د کابل پوهنتون د استادانو د مسلکي پرمختیا مرکز آمر ښاغلي پوهنوال فرید احمد طنین هم شتون درلود، ګډونوالو ته وړاندې شو.
د کابل پوهنتون د استادانو د مسلکي پرمختیا مرکز د آمر په وینا دا برنامه د یوې ورځې لپاره جوړه شوې ده او موخه یې د نویو ګمارل شوو استادانو د وړتیاوو لوړوالی او له درسي میتودونو سره د هغوی بلدتیا ده.
