د ۱۴۰۲ هـ ش کال متفرقه کانکور آزموینه ترسره شوه
د ۱۴۰۲هـ ش کال متفرقه کانکور آزموینه چې د دیني مدرسو، خارج مرز، عالیه او خامسه دورې د علمي سوې تثبیت علماوو پکې برخه اخیستې وه؛ د روان کال وږي میاشتې په درېیمه نېټه د جمعې په ورځ په کابل پوهنتون کې د آزموینو ملي ادارې او کابل پوهنتون رهبرۍ، د پوهنې وزارت مسؤلینو او استادان په شتون کې ترسره شوه.
د کابل پوهنتون محصلانو چارو مرستیال ښاغلي صلاح الدین ایوبي د کانکور آزموینې ګډونوالو ته ښه راغلاست ویلو تر څنګ له هغوی و غوښتل؛ چې په آرام او ډاډ من ذهن دې آزموینه سپري کړي.
د آزموینو ملي ادارې رئیس ښاغلي شیخ عبدالباقي حقاني د کانکور نوموړې آزموینه ورستی دور آزموینه یاده کړه او وویل؛ چې په دې آزموینه کې ۶۰۰۰ تنه زده کوونکو برخه اخیستې؛ نوموړي زیاته کړه، چې تر اوسه د کانکو ر آزموینې له بهیر څخه شکایت موجود نه دی او دغه ښیي، چې په دې بهیر کې لازمې آسانتیاوې او پرمختللي چارې په نظر کې نیول شوې دي او هڅه کیږي؛ چې یادې آسانتیاوې په راتلونکي کې زیاتې کړي.
د کانکو ر آزموینه په ټول هېواد کې په ۵ دورو کې ترسره شوه؛ چې ۳ دوره یې په ولایتونو او ۲ ورستي دوره یې په کابل کې ترسره شوه.
