کابل پوهنتون فارمسي پوهنځي له ۶۰ تنو څخه زیات شمېر زده کړیالان د کار زده کړې له دورې څخه فارغ شول
د کابل پوهنتون فارمسي پوهنځي پنځم ټولګي ۶۰ تنو څخه زیات شمېر زده کړیالانو درۍ ورځنۍ د کار زده کړې دوره یې په بریالیتوب پای ته ورسوله، په یاده دوره کې زده کړیالانو وکړای شوای، له درمل څخه په سمه توګه استفاده کول، د درملو اداره ، مدیریت او همدارنګه دمیکروبونو مقاومت په برخه کې لازمې زده کړې وکړي.
نوموړې دوره دروغتیا نړیوال بنسټ په مرسته د دعامې روغتیا وزارت، ددرمل خدمتونو ریاست متخصصینو له خوا دایره شوې وه، ۳۵ تنه نارینه او ۳۰ تنه ښځینه زده کړیالانو په ځانګړو ورځو کې پکې برخه واخیسته، چې په پای کې یې دیادې دورې تصدیق پاڼه هم ترلاسه کړه.
دفارمسي پوهنځي رئیس ښاغلي آقامحمد ژکفر زده کړیالانو ته دتصدیق پاڼو د ویش په غونډه کې د عامې روغتیا وزارت د درمل خدمتونو ریاست له مرستې نه مننه وکړه او یاد اقدام یې د زده کړیالانو په عملي او نظري مهارت لوړولو کې غوره ګام یاد کړ او زیاته یې کړه: اوس زده کړیالان علمي او دې ورته زده کړییزو برنامو ته تر بل هر وخت زیاته اړتیا لري.
د عامې روغتیا وزارت د درمل خدمتونو رئیس حامد فرملي دیادې برنامې د غوره والي ترڅنګ وویل: په پلان کې لرو، تر څو په راتلونکي کې دې ته ورته برنامې دورکشاف په څیر دایرې کړو ، ترڅو زده کړیالان و کولای شي، دکار په ساحه کې ترې لازمه استفاده وکړي.
دیاد پوهنځي د زده کړیالانو په نمایندګۍ یو تن دپوهنځي له ادارې څخه مننې ترڅنګ ددې په څېر برنامو د دایرولو غوښتنه هم وکړه.
