له نصاب او درسي بهیر څخه د نظارت کمېټې خپلې پایلې شریکې کړې
د کابل پوهنتون رهبرۍ له لوري د نصاب او درسي بهیر ارزونې کمېټې ته دنده سپارل شوې وه، ترڅو د چارو د لا ښه سمون په موخه د ټولو پوهنځیو د کورس پالیسيو، درسي بهیر او نصاب تطبیق له نږدې وګوري، چې پایلې یې نن د پوهنتون له رهبرۍ سره شریکې شوې.
د پایلو له شریکولو او مثبتې ارزونې وروسته د کابل پوهنتون رئیس ښاغلي دوکتور اسامه عزیز د ټولو پوهنځیو مسؤولینو ته د درسي بهیر د لا ښه والي په موخه لازمې لارښوونې وکړې او ټینګار یې وکړ، چې د کمېټې له ټاکل کېدو هدف د درسي بهیر لا پیاوړتیا، ستونزو حل، د نظریاتو شریکول او په مشترک ډول د حل لارو چارو موندل دي.
