د ځمکپوهنې پوهنځي پالیسي
د ځمکپوهنې پوهنځي پاليسي د معیاري علمي چاپېریال پر رامنځته کولو، د تدریس د کیفیت پر لوړولو، د څېړنیزو وړتیاوو پر پیاوړتیا او د اغېزمنو اکاډمیکو چوپړتیاوو پر وړاندې کولو ولاړه ده. دغه پاليسي د علمي او اداري مدیریت د ښهوالي، د مسلکي بشري ځواک د روزنې او د ځمکپوهنې په برخه کې د هېواد د علمي اړتیاوو د پوره کولو په موخه ترتیب شوې ده.
د پاليسۍ اساسي محورونه
- د تعلیمي کیفیت د لوړولو پاليسي
- د مضامینو او درسي پروګرامونو دوامداره نوي کول
- د نظري او عملي تدریس د اغېزمنو لارو چارو کارول
- په اکاډمیکو او علمي کړنو کې د استادانو د ګډون پیاوړتیا
- د علمي څېړنې او پراختیا پاليسي
- د جیولوجی، جغرافیې او هایدرومتیورولوژی په برخو کې د تخصصي څېړنو هڅونه
- د لابراتواري او میداني څېړنو لپاره د مناسبو اسانتیاوو برابرول
- له کورنیو او بهرنیو علمي او څېړنیزو بنسټونو سره همکاري
- د مدیریت او اداري جوړښت د ښهوالي پاليسي
- د پوهنتون له معیارونو سره سم د اداري چارو تنظیم
- د علمي پروګرامونو د اغېزمن پلی کېدو لپاره د څانګو ترمنځ همغږي
- د کارکوونکو د وړتیاوو پیاوړتیا او د اداري بهیرونو ښهوالی
- د نظم او ډسپلین پاليسي
- د منظم درسي چاپېریال رامنځته کول او اصولو او مقرراتو ته پاملرنه کول
- د ډسپلین د لایحې له مخې د سرغړونو څېړنه او رسېدنه
- د محصلانو او استادانو ترمنځ د مسئولیت مننې فرهنګ پیاوړتیا
- د تعلیمي ټکنالوژۍ د کارونې پاليسي
- د برېښنايي زدهکړو (E-learning) د سیستمونو پراختیا
- د استادانو او محصلانو لپاره د ټکنالوژیکو وسایلو برابرول
- د علمي او کلتوري همکاریو پاليسي
- له پوهنتونونو او څېړنیزو مؤسسو سره د علمي اړیکو پراخول
- د کنفرانسونو، سمینارونو او کلتوري پروګرامونو جوړول
- د ځمکپوهنې له علومو سره تړلو ملي پروګرامونو په لاره اچونه کې همکاري
د ځمکپوهنې پوهنځي پاليسي د معیاري زدهکړې، پر موخو ولاړې څېړنې، اغېزمن مدیریت او د اسلامي کلتوري ارزښتونو د پیاوړتیا پر بنسټ ولاړه ده، او هڅه کوي چې دغه پوهنځی د هېواد د علمي او تخصصي اړتیاوو د پوره کولو لپاره د یو بااعتباره او ځوابورکوونکي علمي مرکز په توګه معرفي کړي.