د فارمکوګنوزي ډيپارټمنټ
الف) پېژندنه:
فارمکوګنوزي د فارمسي یو له بنسټیزو علومو څخه دی، چې د تاریخي لرغونوالي پر بنسټ اوسمهال په فارمسي علومو کې په یو مهم او اساسي بحث دی. دا علم چې پر طبي بوټو او د درملو پر هغو خامو موادو غږېږي، چې طبیعي منشاء ولري. له دې علم سره ژوره لېوالتیا، د دې درملو د سرچینو د مطالعې او د بېړنیو درملو د جوړولو په لور د یوې کړکۍ په توګه ګڼل کېږي. ځکه چې نویو درملو ته د لاسرسي، پراختیا او پرمختګ اساس د طبي بوټو په منظمه، علمي او ساینسي څېړنو پورې اړه لري. بېله شکه د فارمکوګنوزي ديپارټمنټ فعالیتونه د زدهکړيز بهیر د کیفیت د ښهوالي ترڅنګ، د طبي بوټو په اړوندو زدهکړیزو فعالیتونو کې د یو محرک عامل په توګه مهم رول لوبوي او په دې برخه کې د فارمسېسټانو د کنجکاوۍ حس او د تحلیل وړتیاوې لوړوي. په همدې دلیل د فارمکوګنوزي ډيپارټمنټ د فارمسي پوهنخي له تاسیس سره یو ځای په (۱۳۳۸ل) کې جوړ او په فعالیت پیل وکړ.
ب) زدهکړیزې موخې:
۱.لیدلوری:
د فارمکوګنوزي ډيپارټمنټ د طبي بوټو او لرغوني طبي زېرمو ته په پاملرنې او له وروستیو علمي لاسته راوړنو او معاصر ټيکنالوژۍ څخه په ګټې اخیستنې؛ هڅه کوي د هېواد روغتیايي سیسټم کې ځانګړی ځای او دې سره په نړيواله کچه خپل حدود پراخ کړي او هیله لري چې د هېواد په کچه په روغتیايي او فارمسي علومو کې غوره ځای تر لاسه او د سیمې د هېوادونو په کچه تر ټولو لوړ مقام وګټي.
۱.ماموریتونه:
د زده کړې په برخه کې:
- د منل شویو معیارونو سره د فارمکوګنوزي، فایتوتیراپي او نباتانو ښوونه.
- د پرمختللو هېوادو له علمي پرمختګونو سره یوځای د فارمکوګنوزي په برخه کې پرمختګ.
- له معاصرو زدهکړیزو روشونو څخه په ګټې اخیستنې د زدهکړیالانو د پوهې د کچې لوړونه او په فارمکوګنوزي، فایتوتیراپي او د نباتاتو په علومو کې د کیفیت د کنټرول طرزالعملونه.
د څېړنې په برخه کې :
- د فارمکوګنوزي، فایتوتېراپي او نباتاتو په علمي څېړنو کیفي او کمیتي پرمختګ.
- په اړوندو علومو کې د علمي څېړنو پراختیا او پر بنسټ یې اکاډمیکو فعالیتونو ته لېوالتیا.
د عامه خدمتونو په برخه:
- د هېواد په روغتیايي سیسټم کې له طبي بوټو څخه د مناسبې او سمې کارونې تعمیمول.
- د کیمیاوي تحلیل، معیاري کولو او د طبي بوټو د کارونې لهپاره د لابراتواري خدمتونو چمتوکول.
- د هېواد د طبي بوټو په مدیریت او طبیعي پايښت کې مناسبه علمي ونډه اخيستل.
- زدهکړیالان د علمي کارونو او مطالعاتي فعالیتونو په ګډون د بوتاني، فارمکوګنوزي او فایتوتراپي نظري زدهکړې، په دې ډيپارټمنټ کې ترسره کوي.
۳. بنسټيزې موخې:
- د طبي بوټو او د درملو د توليد لهپار د نورو طبیعي منابعو د پېژندنې اړوند د مهارتونو پیاوړتیا او ښوونه.
- په هېواد کې د طبیعي زېرمو، طبي بوټو او د دوی د پایښت د لارو چارو پېژندې په اړه د مهارتونو پياوړتیا او ښوونه.
- د درمل جوړولو لهپاره د نویو نباتي لوشنونو د موندلو او ترلاسه کولو اړوند علمي څېړنې ترسره کول.
ج. توامیتونه:
ځانګړی توامیت نه لري.
د) لابراتواز او زدهکړيز وسایل:
د فارمکوګنوزي لابراتوار د طبي بوټو د باریوم تر څنګ په
Spectrophotometer,Microscope, HPLC,apparatuse Sohexlate PH meter, apparatuseClavengerUV chamber, Rotatory evaporator Centrifuge مډرنو وسایلو سمبال دی او زدهکړیالانو لهپار لاندې تجربې ترسره کوي:
- د طبي بوټو د ډولونو څېړل
- له طبي بوټو د مفر تېلونو ايستل
- د طبي بوټو د توصیفي تشخیصي ازمېښتونه
- په طبي بوټو کې د کیمیاويي موادو د اندازې د ټاکلو ازمېښتونه
گالری رسانه
په باراني موسم کې د کابل پوهنتون څو ښکلي انځورونه
د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم
