د درملو د کنټرول او کیمیک‌فارمسي ډيپارټمنټ

الف) پېژندنه:

لکه څنګه چې کیمیک فارمسي او د درملو کنترول ډيپارټمنټ د فارمسي پوهنځي اختصاصي(مسلکي) ډيپارټمنټ ده. ددې څانګې مهمې موخې له کیمیاوي جوړښتونو او د بیولوژیکي اغېزو اړوند د محصلینو پېژاند، د درملو کیمیاوي او فزیکي ځانګړنو په هلکه په تحلیلي او تشریحي بڼه پوهېدل دي. سربیره پر دې د دې څانګې زده‌کړیالان د خامو موادو د چمتو کولو او د هغوی د ترکیبولو د میتودونو په هکله هم پوهه پیدا کوي.

د فارمکولوژيکي اغېزو سره مل د درملو د کیمیاوي جوړښت ؛ د درملو د کیفي او کمي کنټرول د طریقې او د درملو د تحلیل او تجزیې د ماشین پېژندنه او د کارونې د لارو چارو په اړه پوهاوی ترلاسه کول د دې څانګې یو له نورو موخو څخه ده.

۱.لیدلوری:

د محصلینو روزنه زموږ اصلي دنده ده. موږ اراده لرو، چې د ښوونې او روزنې له لارې ټولنې ته صادق، وړ، تکړه او مسلکي کسان وړاندې کړو ، څو دوی وکولای شي خپل مسوولیتونه په غاړه واخلي او د کیفیت د کنټرول په برخه کې خپلې دندې په ښه توګه ترسره کړي.

۲.ماموریت:

دا ډيپارټمنټ په خپل ټول توان سره له بېلابېلو زده‌کړیزو، څېړنيزو او د خدماتو د چوپړ له لارې د فارمسي علم د عامېدو له‌پار هڅه کوي. زموږ ماموریت د باکیفیته درملو ترلاسه کول او روغتیا ساتلو په برخه فعاله ونډه اخيستل دي؛ کوم جې د انسانانو اساسي حق دی.

۳. اساسي موخې:

• د فارمسي عصري زده کړو له لارې د خلکو روغتیا ښه کول او د درملو د کیفیت په هلکه څېړنې تر سره کول.
• د نړیوال پېژندل شوي روغتیايي محصولاتو او درملو د کیفیت، تحلیل او تجزیې په اړه د GLP(Good Laboratory Practice) وړاندې کول.
• د GLP، د درملو د کیفیت د تضمین، د کیفیت د کنټرول او اړوندو موضوعاتو په اړه روزنې.
• د هېواد دننه او بهر له ساینسي ټولنو سره اړیکې ټینګول.
• د محصلینو او فارغینو د علمي کچې د لوړولو په موخه اړین اقدامات.
• د هېواد د درملو د ستونزو د حل په موخه څېړنې تر سره کول.
• د فارمسي متخصیصینو د روزنې له لارې د زده کړې، څېړنې او کیفیت کنټرول په برخو د خدماتو چمتو کول.

ج. توامیتونه:

ځانګړی توامیت نه لري.

د. لابراتوار او زده‌کړیز تجهیزات:

د کیميک فارمسي لابراتوار په موډرنو وسایلو لکه:

IR chromatography, TLC، UV- visible spectrophotometer meter, Kejeldahl apparatuses, Polari meter, Melting point apparatuses PH- سمبال دی او پکې لانديني تجربې ترسره کېږي:

• د درملو ټاکلو او اندازې اړوند تجربې
• د درملو د ناخالصتوب ټاکلو اړوند تجربې
• د محصلینو لپاره د درملو ترکیب او تجربې پلي کول
• د فارمسیستکي محصولونو تجزیه او کنترول.

5. تحصیلي نصاب ( تخصصي مضمونونه)