ممتازو محصلانو ختیځ زون ته علمي سیر ترسره کړ
د علمي تجاربو د وسعت د لړۍ په دوام کې، دا ځل د کابل پوهنتون د دوه ویشتو پوهنځیو ممتازو محصلانو ختیځ زون ته علمي سیر ترسره کړ.
په دغه سفر کې محصلانو د یادو ولایتونو له محترمو واليانو، د پوهنتونونو له استادانو، مسؤولینو او محصلانو سره جلاجلا ناستې وکړې. همداراز د کابل پوهنتون محصلانو په بېلابېلو موضوعاتو خپل علمي سیمينارونه هم د ختیځ زون د پوهنتونونو محصلانو ته وړاندې کړل او د نظرونو تبادله يې سره وکړه.
ممتازو محصلانو د یادو ولایتونو د علمي مراکزو او تاریخي سيمو پر کتنې سربيره، د سیمې له خلکو سره هم ناستې وکړې او د هغوی د ځايي کلتور د ځينو اړخونو اړوند يې معلومات تر لاسه کړل.
د محصلانو د علمي کچې لوړول، د پوهنتونونو د محصلانو ترمنځ د علمي او فکري اړيکو، همکاريو او د اس.لامي یووالی او ورورولۍ لا تقويت د دغه علمي سفر له موخو څخه و.
