د ټولنیزو علومو پوهنځی محصلینو ننګرهار او کنړ ولایتونو ته علمي سفر وکړ
د لیندۍ میاشتې په ۱۵ نېټه د چهارشنبې په ورځ د ټولنیزو علومو پوهنځۍ د افغانستان پېژندنې ماسټرۍ پروګرام محصلینو د پوهنځي د رییس او یو شمېر استادانو تر څارنې لاندې ننګرهار او کنړ ولایتونو د لیدنې په موخه درې ورځنی علمي سفر وکړ.
د دغه سفر په ترڅ کې د نغلو بريښنا بند، د ننګرهار ولایت د نملې تاریخې باغ، دهډې لرغونې سیمې او دکنړ ولایت له طبیعي سرچینو او ګرځندویه سیمو څخه لیدنه وشوه. د نوموړو سیمو د ليدنې پرمهال محصلینو ته د استادانو او د ننګرهار ولایت د اطلاعاتو او فرهنګ ریاست مسوولینو له لوري معلومات ورکړل شول او د محصلینو پوښتنو ته ځوابونه وویل شول.
د سفر په پای کې محصلینو د کابل پوهنتون مشرتابه څخه مننه وکړه چې د نظري زده کړو تر څنګ يې عملي زده کړو او د ساحوي لیدنې میتود ته پوره پاملرنه کړې ده.
