لید لوری، مأموریت او موخې
لیدلوری:
د کابل پوهنتون د شرعیاتو پوهنځی د اسلامي او فقهي علومو په ډګر کې د یو باوري علمي او څېړنیز مرجع په توګه؛ د متخصص، متعهد او کارپوه علمي کادرونو په روزلو سره په ملي او نړيواله کچه د ځای تثبیت.
مأموریت:
د کابل پوهنتون د شرعیاتو پوهنځی د معیاري تحصیلي او څېړنیزو پروګرامونو د وړاندې کولو له لارې په فقه او قانون، اسلامي تعلیماتو او دعوت کې، او همدارنګه د نورو تدریسي دیپارتمنتونو د علمي فعالیت له مخې ژمن دی چې د هېواد د اړتیاوو پر بنسټ کادرونه وروزي، څو د تدریس، قضاء، مدافع وکالت، دعوت او ارشاد، لوړو زده کړو، معارف په ساحه، او د دیني، سیاسي، اقتصادي، قانوني او ټولنیزو ستونزو په حل کې رول ولوبوي.
موخې:
- د فقه، قانون، اسلامي تعلیماتو، دعوت او اسلامي ثقافت په برخو کې د ټولنې د خدمت لپاره د متخصصو او متعهدو کادرونو روزنه.
- په اسلامي او حقوقي علومو کې د استادانو او محصلانو د علمي کچې لوړول د تدریس، څېړنې او مطالعې له لارې.
- د هېواد د اکادمیکو او ټولنیزو اړتیاوو پوره کول د تدریس، قضاء، مدافع وکالت، دعوت او ارشاد، لوړو زده کړو معارف، حقوقي مشورو او نورو اړوندو برخو کې.
- د اسلامي علومو په ساحه کې د علمي او تطبیقي څېړنو پراختیا د معاصرو قضایاوو د حل، د نظریاتو د نقد او د شُبهاتو د رد په موخه.
- د هېواد دننه او بهر کې د ورته پوهنځیو ترمنځ د همکارۍ او توأمیت دود پیاوړتیا، د علمي بډاینې او د اکادمیکو تجربو د ګټې اخیستنې په موخه.
- د استخدام کوونکو مراجعو او د پوهنځي د فارغینو ترمنځ اغېزمنه اړیکه رامنځته کول د قضایي، اداري او ټولنیز نظام فعال رول په موخه.
- د اسلامي ثقافت د مضمونونو د تحقیق او تدریس له لارې د پوهنتون په نورو څانګو کې د اسلام اصیل فکر او فرهنګ خپرول او پراخول.