لید لوری، مأموریت او موخې
لیدلوری:
د غذایي موادو ټکنالوژۍ په برخه کې د نظري پوهې او عملي مهارتونو سمبال مسلکي کادرونو روزنه، ترڅو د ملک د خوړو خوندیتوب پیاوړی، د خوړو کیفیت لوړ، تولیدي موثریت زیات، او د خوړو د تولید، پروسس، عرضې او د کیفیت کنټرول په ټولو پړاوونو کې پایښت تضمین شي.
مأموریت:
د لیسانس په کچه د معیاري زدهکړو، باکیفیته تدریس، تطبیقي او عملي څېړنو لپاره د مناسب علمي چاپېریال برابرول، ترڅو د غذایي موادو تکنالوژۍ په برخه کې ژمن، مسلکي او ځوان متخصصین وروزل شي، د اسلامي او داخلي ارزښتونو په رعایت سره د ملک علمي او عملي ظرفیتونه پیاوړي شي، نوښت ته وده ورکړل شي، دوامداره پرمختګ تأمین او د یوې هوسا او عصري ټولنې د جوړېدو لپاره اغېزمنه ونډه واخیستل شي.
موخې:
د ټولنې او بازار د غوښتنو په اساس د کرنې د متخصصینو روزنه، ترڅو د هیواد د کرنې د سکټور په وده کې ګټور تمام شي او په تخصصي توګه د کرنې په سکټور کې له ټولنې سره مرسته وکړي.
د لېسانس او ماسټرۍ په کچه د کرنې د متخصصینو د هغو پروګرامونو پراختیا چې د علمي پرمختګونو سره همغږي ولري.
د کرنيزو ستونزو د حل او په هېواد کې د خوراکي توکو د خونديتوب د ډاډ په موخه د علمي څېړنو ترسره کول.
د ملي او نړيوالو پوهنتونونو د کرنې له پوهنځیو سره د ماموریتي فعاليتونو، کنفرانسونو، سيمينارونو، ورکشاپونو، ګډو پروژو او د مهارتونو د تبادلې په موخه همغږي او د علمي څېړنيزو همکاريو رامنځته کول.
د کتابونو او علمي آثارو تالیف او ژباړل، په ملي او نړیوالو ژورنالونو کې د څیړنیزو مقالو خپرول، د علمي او مسلکي سیمینارونو او ورکشاپونو چمتو کول او د کرنې او مالدارۍ سکټور علاقه مندانو او اړو خلکو ته د ګټې رسیدو په موخه نور علمي فعالیتونه تر سره کول.