د کتابتون مدیریت اړوند سمینار ترسره شو
د کابل پوهنتون د مرکزي کتابتون امریت له لوري د پوهنتون د ټولو پوهنځيو د کتابتونونو مسؤولينو ته د «کتابتون مدیریت او LCC سیسټم سرلیک لیکنه» تر عنوان لاندې دوه ورځنی سمینار دایر شو.
په سمینار کې ګډونوالو ته د کتابتون مدیریت د اصولو او د LCC سیسټم کټلاګ جوړونې اړوند مسلکي درسونه ورکړل شول، همدارنګه د مرکزي کتابتون د ماخذونو، مونوګرافونو، مجلو او توزیع څانګو اړوند په نظري او عملي ډول معلومات وړاندې شول.
د سمینار په پای کې د مرکزي کتابتون امریت له لوري د پوهنځيو د کتابتونونو د لا معیاري کولو په موخه یو لړ اړین موضوعات هم له ګډونوالو سره شریک شول.
کابل پوهنتون دا مهال يو مرکزي کتابتون لري چې د بېلا بېلو علومو اړوند شاوخوا يوسلو او پنځو زره چاپي مواد په کې شتون لري، همدارنګه په ځانګړو رشتو کې ۲۸ فرعي کتابتونونه هم لري. د دې کتابتونونو چارې د پوهنتون د څېړنو او علمي مجلې معاونيت لخوا سنباليږي.
