د کابل پوهنتون ۷ پوهنځيو وروستي کال محصلینو د (SPSS) ورکشاف او د ارقامو تحلیل زده کړه ترلاسه کړه

نوموړی ورکشاف د څلورو اوونیو پنجشبې په ورځو کې د  کابل پوهنتون وترنري علومو، ټولنیزو علومو، اراپوهنې، فارمسي، چاپیریال پوهنې، کرنې او عامه پالیسي پوهنځيو وروستي کال محصلینو ته جوړ شوی وو او موخه یې د محصلینو ظرفیت لوړول، د مونوګرافونو او څیړنیزو پروژو بشپړول بلل شوی دي.

د کابل پوهنتون رئیس ښاغلي دکتور اسامه عزیز د ددې ورکشاپ په وروستۍ غونډه کې د برنامې جوړونکو څخه د مننې ترڅنګ د دیني لارښوونو په رڼا کې د علم او پوهې د ترلاسه کولو په هڅو او زیار خبرې وکړې او له محصلینو یې وغوښتل؛ ترڅو د ټولګیو په درسونو بسنه ونه کړي، بلکې له کتابتون، څیړنې، مطالعې او ښوونیزو برنامو څخه دې هم ګټه ترلاسه کړي؛ ترڅو په راتلونکي کې غوره متخصص ترې جوړ شي.

همدارنګه د کابل پوهنتون محصلانو چارو مرستیال ښاغلي استاد صلاح الدین ایوبي د (SPSS) برنامې په اړتیا او د رقمونو په تحلیل خبرې وکړې او محصلین یې د علم ترلاسه کولو ته وهڅول.

د کابل پوهنتون استاد ښاغلي داکتر اسدالله صمدي د دې ورکشاپ د جوړېدو په اړه وايي:

( تمه لرو؛ نوموړې برنامه محصلینو لپاره داحصایې او رقمونو د تحلیل او په زده کړه کې یوه انګیزه وي.)