د ښکلو هنرونو په پوهنځي کې د قرانکریم ختم او د دعا مراسم جوړ شول
د کابل پوهنتون د ښکلو هنرونو پوهنځي رییس، یو شمېر استادانو، کارمندانو او محصلینو نن د روان کال د لړم میاشتې په ۱۴ نېټه د چهارشنبې په ورځ د همدې میاشتې په ۱۲مه نېټه په یوه تروریستي برید کې د دې پوهنتون د عامه ادارې او پالیسي او حقوقو او سیاسي علومو پوهنځيو یو شمېر محصلینو د شهادت او یو شمېر نورو د ټپي کېدو له امله د قرانکریم ختم او د دعا مراسم تر سره شو او د دې وحشیانه برید د غندنې تر څنګ یې د هغوی له کورنیو او د کابل پوهنتون له کورنۍ سره یې غمشریکي او خواخوږي څرګنده کړه.
دا مراسم د سهار په ۹ بجو د ښکلو هنرونو پوهنځي د رییس، یو شمېر استادانو، کارمندانو او محصلینو په ګډون د دې پوهنځي په یوه ټولګي کې جوړ شول.
