د پوهنځی اوسنی حالت

دفزیک پوهنځي مستقل او ځانګړی تعمیر نه لری دپخوانی ساینس پوهنحی په تعمیرکې ۴ درسی خونې ، درې دلابراتوارخونې،یوه دکمپیوترلب خونه ،یوکتابتون ، ۹ خونې داستاذانو دفترونه ، یوتدریسی مدیریت اویوه خونه دریاست دفتردی. ددرسی خونو دکمښت له کبله زده کړیالانوته دسهار اوماسپښین له خوا درس ورکول کیږی . دغه پوهنځی د زده کړیالانولپاره نور خدمتونه هم وړاند ی کوی لکه انترنیت ،کمپیوترلب، کتابتون ،بریښنا اوداوبوشبکه.

دغه پوهنځی ۶ لابراتواره لری لکه : دعمومی فزیک لابراتوار،دمیخانیک لابراتوار، دبرق لابراتوار، دالکترونیک لابراتوار،دموجی نورلابراتواراودهستی لابراتواردی. اوهمدارنګه ددغه پوهنځی زده کړیالان کولای شی چی دافغانستان داتومی انرژی د ریاست ،دمخابراتواومعلوماتی تکنالوژی وزارت ، دکانونو وزارت اوداوبولګولو اوبریښنا وزارت له شته امکاناتو څخه دڅیړنواومعلوماتولپاره کارواخلی .

د دغه پوهنځی زده کړیالان دغه پوهنځی ته دکانکور دازموینی له لاری لارپیدا کوی. اوپه ملی ژبوورته  درس ورکول کیږی. دلا زیاتومعلوماتو دلاسته راوړلولپاره کولای شی چی په کتابتون کی دشته انګلسی کتابونو څخه کارواخلی .

درسی پروګرام

دفزیک پوهنځی درسی پروګرام دلیسانس دوری لپاره څلورکاله دی. چی په ټوله کی اته سمستره او۱۵۲ درسی کریدیته دی.