د "نوې ټکنالوژۍ د کاروونې علمي کنفرانس" دائر شو
د کابل پوهنتون د وترنري علومو پوهنځي له لوري د کابل ولایت په ګډون د بېلابېلو ولایتونو د فارمونو مسؤلینو لپاره د مالدارۍ په صنعت کې د "نوې ټکنالوژۍ کاروونې علمي کنفرانس" ترسره شو، چې پکې د کابل پوهنتون د علمي څېړنو مرستیال، د زراعت وزارت استازي، د حیواني فارمونو مسوولینو او وترنري علومو پوهنځي استادانو ګډون درلود.
ویناوالو په فارمونو کې د ټکنالوژۍ د کاروونې پر ارزښت، د علمي او ملي کنفرانسونو پر رول او د وترنري خدماتو د کیفیت د ښه والي اړوند موضوعاتو خبرې وکړې.
همدارنګه په دې کنفرانس کې د شیدو ورکوونکو غواګانو، شاتو مچیو، کبانو، د پسونو او الوتونکو په روزنه کې د نوې ټکنالوژۍ د کاروونې موضوعات تر بحث لاندې ونیول شول.
