د تدریس ډول
د ارتباطاتو او ژورنالیزم په پوهنځی کې د عصري رسنیزو مهارتونو او نوې پوهې ته د لاسرسي په موخه د نظري او عملي تدریس له مختلفو ډولونو څخه ګته اخیستل کیږي. استادان له نوې ټکنالوژۍ څخه په ګټه اخیستو سره په صنف کې لکچرونه او پرېزنټېشنونه ورکوي. پر دې سربېره استادان د محصلینو د علمي سطحې د لوړولو د پاره له لکچرنوټونو، معیاري درسي کتابونو، انټرنټ، کتابتون او ډیجیټل منابعو څخه هم ګټه اخلي.
محصلین د لازمو مهارتونو او وړتیا تر لاسته کولو د پاره د پوهنځی د ټلویزیون او راډیو سټدیوګانو څخه د مربوطو استادانو تر لارښونې او نظارت لاندې د مختلفو ټلویزیوني او راډیویي خپرونو د تولید د پاره هم ګټه اخلي او زدکړه کوي. همدا ډول د زدکړو اړوند ستونزو د رفع کولو او په دې رشته کې د نویو علمي لاسته راوړنو د انتقال په موخه مشورتي درسونه او کنفرانسونه هم جوړیږي.
گالری رسانه
د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم
