د تدریس تګلارې

په ټولنیزو علومو پوهنځي کې د څانګې د نویو لاسته راوړنو او پوهې لېږدولو لپاره له بېلا بېلو میتودونو څخه په تدریس کې ګټه اخیستل کیږي. د پوهنځي د استادانو له لوري څخه د بېلا بېلو مضمونونو تدریس په نظري او عملي شکل د هغو مضمونونو له مفرداتو سره سم ترسره کیږي، چې په درسي نصاب کې لیکل شوي دي. استادان د اغېزناک تدریس په موخه د خپلو مضمونونو په اړوند موضوعګانو کې د وړاندې جوړ شویو سلایډونو له ښودنې څخه هم ګټه اخلي. د هغه ترڅنګ د پوهې کچې لوړولو په موخه محصلین له لکچر نوټ، معیاري درسي کتابونو، انټرنیټ، کتابتون او ډیجیتلي سرچینو څخه برخمن کیږي.