د امام محمد شیباني (رح) تدریسي بلاک لپاره د محافظتي دېوال جوړېدل
یاد دېوال چې۶۵۰ متره اوږدوالی او ۲۵۰ سانتي متره جګوالی لري، د کابل پوهنتون امام محمد شیباني (رح) تدریسي بلاک، د تمیم انصاري (رضي الله عنه) او امام قتیبه (رح) تالارونو د ساتنې او ښکلا په موخه جوړیږي.
نوموړی دېوال په پاخه او اساسي ډول له ډبرو او خښتو څخه جوړیږي او د چارې یې په منظم او معیاري ډول د مسؤل انجینرانو تر نظر لاندې ترسره کېږي او په پام کې ده، چارې به یې تر راتلونکو ۲۰ ورځو پورې بشپړې شي.
د یادونې وړ ده چي د دې دیوال د جوړولو قیمت د ۳میلیونه او اته سوه زره افغانیو په شاوخوا کې دی، چې د پوهنتون له پراختیایي بودیجې څخه ورکول کیږي.
له دې مخکې د دې بلاک او تالارونو شاوخوا د اغزن سیم او جالۍ په واسطه پوښل شوې وه، چې د ساتنې او ښکلا په برخه کې اغیزمن او مناسب نه وو، په همدې دلیل نوموړی محافظتي دیوال په غوره شکل سره ورته جوړیږي.
