د کابل پوهنتون علمي شورا غونډه ترسره شوه

نوموړې غونډه چې دروان کال مرغومې میاشتې په ۵نېټه ترسره شوه، د کابل پوهنتون رئیس ښاغلي دکتور اسامه عزیز د خبرو په لړ کې د فارغو محصلینو لپاره په زړه پورې مراسمو ترسره کېدل، په کابل پوهنتون کې د ودانیزو او رغینیزو چارو پرمختګ، په بریالیتوب سره د روان سمیسټر پای ته رسېدل، چین هېواد ته دسفر پایلې او د کابل پوهنتون سره د ټکنالوژۍ او ساینس په برخه کې له تایوان ټکنالوژۍ پوهنتون څخه د مرستو جلبول مثبت ګامونه یاد کړل او همدارنګه د شورا له ټولو غړو څخه یې وغوښتل، ترڅو ټولې چارې له اصولو سره سم پر مخ بوځي او هېڅ چا ته تر هر عنوان  لاندې د استفادې اجازه مه ورنکړئ.

په یاده غونډه کې په ۶علمي، ۵ د فوق لیسانس، ۸ د استادانو علمي ترفیعاتو او ۲۰ د استادانو د ګمارنې په موضوعاتو هم بحث و شو او د هغوی په اړه د اصولو او مقرراتو سره سم پرېکړې ترسره شوې.