د محصلینو د نوښت مرکز پرانیسته وشوه
د روان کال تلې میاشتې په ۲۰نېټه د پنجشنبې په ورځ د محصلانوچارو مرستیال، بشري سرچینو، نشراتو او د محصلانو خدماتو انسجام آمرینو په شتون کې د کابل پوهنتون محصلینو نوښت مرکز پرانیسته وشوه.
په دې مرکز کې د محصلینو تخنیکي، علمي او تحصیلي برخو نوښتونه ساتل کیږي.
د محصلانو چارو مرستیال ښاغلي صلاح الدین ایوبي د مرکز د کړنو پر څرنګوالي خبرې وکړې او ددې مرکز لخوا د نوښتګرو محصلینو د هڅونې ملاتړ غوښتنه یې وکړه.
د کابل پوهنتون نشراتو آمر ښاغلي قاضي رحیم الله ندیم له محصلینو و غوښتل؛ چې خپل مسؤلیتونه دې وپیژني او په دې مرکز کې دې فعاله برخه واخلي.
د پرانیستې په پای کې د محصلانو خدماتو انسجام چارو آمر ښاغلي نواب ګل اتلزي وویل: (( نوموړی مرکز له نوښتګرو او فکر لرونکو محصلینو څخه ملاتړ کوي او تل د هغوی په خدمت کې دی.))
